Exodo 6:26 - Marahay na Bareta Biblia

²⁶ Si Aaron asin si Moises iyo an mga tawong tinaraman nin Kagurangnan na, “Pangenotan nindo an mga Israelita sa pagluwas sa Egipto.”

Exodo 6:26 ပူးပေါင်းရင်းမြစ်များ

Genesis 2:1

Kaya nahaman an kalangitan asin an daga.

1 Mga Cronica 6:3

Nagkaigwa nin duwang aking lalaki si Amram na iyo si Aaron saka si Moises, asin sarong aking babae na an ngaran Miriam. An mga aking lalaki ni Aaron iyo si Nadab, Abihu, Eleazar, asin Itamar.

Salmo 77:20

Siring sa sarong pastor, pinangenotan mo an saimong banwaan, sa pamamahala ni Moises saka ni Aaron.

Salmo 99:6

Kabilang sa mga padi niya si Moises saka si Aaron, kabilang sa mga nag-arang kan ngaran niya si Samuel. Nag-apod sinda sa Kagurangnan, asin sinimbag niya sinda.

Exodo 12:17

Giromdoma nindo ining pyesta kan tinapay na mayo nin lebadura huli ta sa aldaw na ini ilinuwas ko kamo sa Egipto. Giboha nindo an pyestang ini sa gabos na panahon.

Exodo 12:41

Naghale sinda sa Egipto sa huring aldaw kan ikakwatro syentos treyntang taon.

Exodo 12:51

Kan aldaw na idto, ilinuwas nin Kagurangnan sa Egipto an mga tribu nin Israel.

Exodo 13:18

Kaya pinalibot niya sinda sa kalangtadan pasiring sa Dagat na Pula, maski andam sinda sa pakilaban pagluwas ninda sa Egipto.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 32:1

Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Exodo 32:7

Nagtaram an Kagurangnan ki Moises, “Humilig ka tolos, huli ta an saimong banwaan, na ilinuwas mo sa Egipto, nagin maraot asin nagkasala.

Exodo 6:13

Alagad pinagbotan nin Kagurangnan si Moises asin si Aaron, “Taraman nindo an mga Israelita asin an hade nin Egipto na sinusugo ko kamong duwa na pangenotan an mga Israelita sa pagluwas sa Egipto.”

Exodo 6:20

Inagom ni Amram si Jokebed na tugang na babae kan saiyang ama; nagin mga aki ninda si Aaron asin si Moises. Nabuhay si Amram sa laog nin syento treynta y syeteng taon.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Exodo 7:4

Dangan uunaton ko an sakong kamot tanganing padusahan nin makuri an bilog na Egipto asin hahaleon ko duman an mga Israelita na sakong banwaan.

Mikas 6:4

Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.

Mga Bilang 33:1

An minasunod na kasaysayan nagtatao kan ngaran kan mga lugar na pinagkampohan kan mga Israelita pakahale ninda sa Egipto sosog sa saindang mga tribu sa pangengenot ni Moises saka ni Aaron.

Josue 24:5

Dangan sinugo ko si Moises saka si Aaron asin pinadarahan ko nin dakul na kasakitan an Egipto; alagad hinale ko kamo duman.

1 Samuel 12:6

Nagpadagos si Samuel, “An Kagurangnan an nagpili ki Moises saka ki Aaron; siya an nagluwas kan saindong mga ginikanan hale sa Egipto.

1 Samuel 12:8

Kan magduman sa Egipto si Jacob asin an saiyang pamilya dangan inapi sinda kan mga Egipcio, nag-agrangay sa Kagurangnan an saindong mga ginikanan tanganing tabangan sinda. Sinugo nin Kagurangnan si Moises saka si Aaron, na nagluwas sainda sa Egipto asin nagpaerok sainda sa dagang ini.