Exodo 5:22 - Marahay na Bareta Biblia

²² Dangan namibi giraray si Moises, “O Kagurangnan, tadaw ta pinapasakitan mo an saimong banwaan? Tano ta sinugo mo pa ako digdi?

Exodo 5:22 ပူးပေါင်းရင်းမြစ်များ

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 19:4

dangan bilog na aldaw siyang naglakaw pasiring sa kalangtadan. Nag-ontok siya sa sarong kahoy, nagtukaw sa sirong kaini saka nagmawot na magadan. “Tama na Kagurangnan,” an pamibi niya. “Kuahon mo na ako; mas marahay pa sako an magadan!”

Salmo 73:25

Ano pa an yaon sako sa kalangitan kundi ika? Mayo akong minamawot sa daga kundi ika.

Exodo 17:4

Kaya namibi si Moises sa Kagurangnan, “Ano an gigibohon ko sa mga tawong ini? Haros boot na ninda akong gapoon.”

Jeremias 12:1

“Kagurangnan, kun minareklamo ako saimo, pinapatotoohan mo na matanos ka. Alagad hahapoton taka manongod sa hustisya. Tadaw ta nag-uuswag an mga maraot na tawo? Tadaw ta minayaman an mga madaya?

Jeremias 20:7

Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Jeremias 4:10

Dangan nagsabi ako, “Kagurangnan Dios, totoong dinaya mo an mga taga Jerusalem! Sinabi mo na magkakaigwa nin katoninongan, alagad sarong espada an nakabingat sa saindang mga halonan.”

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Mga Bilang 11:11

Nagsabi si Moises sa Kagurangnan, “Tadaw ta maraot an pagtratar mo sako? Tano ta dai mo ako nawilihan? An mga tawong ini sarong pasanon na magabat nin marahay. Tadaw ta ibinugtak mo sinda sako?

Josue 7:7

Dangan nagsabi si Josue, “O Kagurangnan Dios, tano ta ibinalyo mo pa kami sa Jordan? Tanganing itao sa mga Amoreo? Tanganing tunawon kami? Tano ta dai mo na sana kami pinabayaan na mag-erok sa ibong kan Jordan?

1 Samuel 30:6

Dakula an kahaditan ni David huli ta pinag-iisipan siyang gapoon kan saiyang mga tawohan huli kan pagkabihag kan saindang mga aki. Alagad pinakosog ni David an saiyang sadiri sa Kagurangnan na saiyang Dios.