Exodo 5:21 - Marahay na Bareta Biblia

²¹ Sinabihan ninda an duwa, “Nahiling nin Kagurangnan an ginibo nindo asin huhukoman niya kamo! Huli sa saindo, naanggot sa samo an hade asin an saiyang mga opisyal. Tinawan nindo sinda nin dahelan na gadanon kami.”

Exodo 5:21 ပူးပေါင်းရင်းမြစ်များ

Genesis 16:5

Huli kaini, sinabihan ni Sarai si Abram, “Sala mo kun tano ta pinag-oolog-olog ako ni Hagar. Itinao ko siya saimo, alagad poon kan maaraman niyang bados siya, pinag-olog-olog na niya ako. Hukoman logod nin Kagurangnan kun siisay sato an tama, ika o ako!”

Genesis 31:53

Husgaran logod kita kan Dios ni Abraham, ni Nahor, asin nin saindang mga magurang.” Kaya nanumpa si Jacob sa ngaran kan Dios na sinamba ni Isaac na saiyang ama.

Genesis 34:30

Nagsabi si Jacob ki Simeon asin ki Levi, “Dinarahan nindo ako nin problema; maaanggot sako an mga Cananeo, mga Perezeo saka an gabos na nag-eerok digdi sa daga. Dikit an tawohan ko; kun magkaboronyog sinda laban sako asin salakayon ako, magagadan an bilog tang pamilya.”

2 Samuel 10:6

Kan nahiling kan mga Ammonita na nagin kaiwal ninda si David, tinandanan ninda an beynte mil na soldados nin Siria hale sa Bet-rehob asin sa Zoba, an dose mil na kalalakihan hale sa Tob, asin an hade nin Maaca, kaiba an sangribong tawohan niya.

1 Mga Cronica 19:6

Kan nahiling kan mga Ammonita na nagin kaiwal ninda si David, nagbayad sinda nin mga treynta y kwatro mil na kilo nin plata sa pag-arkila nin mga karwahe saka sa pagtandan nin mga nakakabayong soldados hale sa Mesopotamia, sa Maaca, asin Zoba.

Exodo 14:11

Sinabihan ninda si Moises, “Mayo na daw nin mga lulubngan sa Egipto kaya dinara mo kami tanganing digdi sa kalangtadan magadan? Hilinga an ginibo mo sa pagluwasan mo samo sa Egipto!

Exodo 15:24

Nagreklamo ki Moises an mga Israelita, “Ano an samong iinomon?”

Exodo 16:2

Duman sa kalangtadan, an gabos na tawo nagreklamo ki Moises asin ki Aaron

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Exodo 5:20

Pakahale kan mga kapatas sa atubang kan hade, nasabat ninda si Moises asin si Aaron na naghahalat sainda.

Exodo 6:9

Sinabi ini ni Moises sa mga Israelita, alagad dai sinda nagtubod saiya; maluya na an saindang boot huli sa makuring kaoripnan.

Parahulit 10:1

An gadan na mga langaw nakakapabata sa sarong botelyang pahamot, asin an kadikit na kalolongan pwedeng makaraot sa kadonongan asin onra.

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Joel 2:20

Hahaleon ko an hukbo nin mga doron na nag-abot hale sa amihan dangan aalawon ko an iba sa sainda pasiring sa desyerto. An mga nangengenot sainda mapapaduman sa Gadan na Dagat, an mga nasa hurihan mapapaduman sa Mediteraneo. Duman sinda magagadan saka mabata. Gagadanon ko sinda huli kan gabos nindang ginibo sa saindo.

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mga Bilang 14:3

Ano ta dadarahon pa kita nin Kagurangnan sa dagang idto? Magagadan kita sa gera asin mabibihag an satong mga agom sagkod mga aki. Bako daw na mas marahay na magbalik kita sa Egipto?”

1 Samuel 13:4

Naaraman kan gabos na Israelita na ginadan ni Saul an pamayo kan mga Filisteo asin naanggot an mga ini sainda. Kaya nagduruman an mga tawo sa Gilgal asin nakisumaro ki Saul.

1 Samuel 27:12

Nagtubod si Akis ki David; nagsaboot siya, “Naoongisan siya nin marahay kan saiyang banwaan na Israel, kaya danay na maglilingkod siya sako.”