Exodo 40:34 - Marahay na Bareta Biblia

³⁴ An Tabernakulo tinahoban kan panganoron asin napano iyan kan nakakasulang liwanag nin Kagurangnan.

Exodo 40:34 ပူးပေါင်းရင်းမြစ်များ

2 Samuel 7:6

Magpoon kan iluwas ko sa Egipto an Israel sagkod ngunyan, dai pa lamang ako nag-erok sa sarong harong; danay na nag-erok ako sa mga tolda, hale sa sarong lugar pasiring sa iba.

2 Mga Cronica 7:2

Dai nakalaog sa Templo an mga padi huli ta napano an Templo kan kamurawayan nin Kagurangnan.

Salmo 26:8

Namomotan ko an saimong harong, Kagurangnan, an pinag-eerokan kan saimong kamurawayan.

Exodo 14:24

Kan maaga na, an mga Egipcio dinungaw nin Kagurangnan hale sa harigi nin kalayo asin nin panganoron dangan tinakot niya sinda.

Exodo 16:10

Kan nagtataram si Aaron sa komunidad nin mga Israelita, sinda gabos nagkiriling sa kalangtadan asin bigla nindang nahiling sa panganoron an kamurawayan nin Kagurangnan.

Exodo 25:8

Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda.

Exodo 29:43

Diyan ko tatagboon an banwaan nin Israel, asin magigin banal an lugar na iyan huli kan sakong kamurawayan.

Exodo 33:9

Pakalaog ni Moises, minahilig an hariging panganoron asin minaontok sa may pintoan kan tolda, dangan nakikipag-olay an Kagurangnan ki Moises.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 6:4

Natanyog an pundasyon kan Templo huli sa kosog kan saindang tingog asin napano nin aso an Templo.

Ezekiel 10:4

An kamurawayan kan Kagurangnan nag-itaas hale sa mga kerubin dangan nagpasiring sa may palaog kan Templo. An Templo napano nin panganoron asin an patyo nagsilyab huli kan liwanag kan kamurawayan nin Kagurangnan.

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Hageo 2:7

Tatanyogon ko an gabos na nasyon, tanganing madara digdi an saindang mga kayamanan asin mapano kaiyan an Templo.

Hageo 2:9

An bagong Templo magigin mas magayon ki sa dati, asin duman ko tatawan nin kauswagan asin katoninongan an sakong banwaan.” An Kagurangnan nin mga hukbo an nagtaram.

Mga Bilang 7:89

Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.

Roma 9:4

Sinda an mga Israelita; ginibo niya sindang mga aki niya asin ipinahayag sainda an saiyang kamurawayan. Nakipagtipan siya sainda; itinao niya sainda an Katogonan. Yaon sainda an tunay na pagsamba; inako ninda an mga panuga nin Dios.

Kapahayagan 15:8

An templo napano nin aso hale sa kamurawayan asin kapangyarihan nin Dios; mayo nin makakalaog sa templo sagkod na dai matapos an pitong peste na dinara kan pitong anghel.

Kapahayagan 21:3

Nadangog ko an sarong makosog na tingog hale sa trono na nagsabi, “Ngunyan an erokan nin Dios nasa mga tawo na! An Dios mismo mag-eerok kaiba ninda asin sinda magigin banwaan niya. An mismong Dios an magigin kaiba ninda asin siya an magigin Dios ninda.