Exodo 40:18 - Marahay na Bareta Biblia

¹⁸ Pinatindog ni Moises an Tabernakulo; ibinugtak niya an mga patungtongan, pinatindog an mga tabla, ikinabit an mga trabisanyo asin pinatindog an mga harigi.

Exodo 40:18 ပူးပေါင်းရင်းမြစ်များ

2 Samuel 7:6

Magpoon kan iluwas ko sa Egipto an Israel sagkod ngunyan, dai pa lamang ako nag-erok sa sarong harong; danay na nag-erok ako sa mga tolda, hale sa sarong lugar pasiring sa iba.

Exodo 40:17

Kaya, sa enot na aldaw kan primerong bulan kan ikaduwang taon pakahale ninda sa Egipto, napatindog an Tabernakulo.

Exodo 40:19

Tinindi niya sa ibabaw kan Tabernakulo an toldang pantahob dangan ibinugtak sa ibabaw kan tolda an tahob kaini, siring sa ipinagboot nin Kagurangnan.

Exodo 40:2

“Sa enot na aldaw kan primerong bulan patindogon mo an Tabernakulo.

Isaias 33:24

Mayo nin siisay man na nag-eerok sa satong daga na mag-aagrangay na siya naghehelang, asin papatawadon an gabos na kasalan.

Levitico 26:11

Mag-eerok ako sa kaibahan nindo asin dai ko kamo babayaan.

Mateo 16:18

“Kaya sinasabihan taka: Ika si Pedro, saro kang gapo asin sa ibabaw kan gapong ini papatindogon ko an sakong simbahan; dawa an kapangyarihan nin kagadanan dai nanggad makakadaog kaiyan.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Galacia 4:4

Alagad kan umabot na an tamang panahon, sinugo nin Dios an sadiri niyang Aki, ipinangaki nin sarong babae dangan nabuhay sa irarom kan Katogonan kan mga Judio.

1 Timoteo 3:15

Alagad sinusuratan taka na kan mga bagay na ini tanganing kun maabala ako, aram mo na an maninigong gawe sa pamilya nin Dios, na iyo an simbahan kan buhay na Dios, an harigi saka balwarte kan katotoohan.

1 Pedro 1:5

Huli sa pagtubod, iniingatan kamo kan kapangyarihan nin Dios, sagkod na makamtan nindo an kaligtasan na andam nang ihayag sa kataposan nin panahon.

Kapahayagan 21:3

Nadangog ko an sarong makosog na tingog hale sa trono na nagsabi, “Ngunyan an erokan nin Dios nasa mga tawo na! An Dios mismo mag-eerok kaiba ninda asin sinda magigin banwaan niya. An mismong Dios an magigin kaiba ninda asin siya an magigin Dios ninda.