Exodo 40:16 - Marahay na Bareta Biblia

¹⁶ Ginibo ni Moises an gabos siring sa ipinagboot nin Kagurangnan.

Exodo 40:16 ပူးပေါင်းရင်းမြစ်များ

Genesis 6:22

Ginibo ni Noe an gabos na ipinagboot saiya nin Dios.

Exodo 40:15

dangan lahidan mo nin lana, arog kan ginibo mo sa saindang ama, tanganing maglingkod sinda sako bilang mga padi. An banal na paglahid na ini iyo an makonsagra sainda sa daing kataposan na pagpadi sa gabos na henerasyon.”

Exodo 7:6

Ginibo ni Moises asin ni Aaron an gabos na ipinagboot sainda nin Kagurangnan.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Jeremias 13:5

Kaya nagduman ako saka itinago ko an habay harani sa Eufrates.

Levitico 8:13

Pinadolok man ni Moises sa enotan an mga aking lalaki ni Aaron. Sinulotan niya sinda kan mga tunika, hinagkosan kan habay dangan binugtakan nin turban an saindang mga payo sosog sa ipinagboot nin Kagurangnan.

Levitico 8:9

Ibinugtak niya an mitra sa payo ni Aaron asin sa atubangan kaiyan ibinugtak niya an bulawan na korona, an banal na tanda kan konsagrasyon, sosog sa ipinagboot saiya nin Kagurangnan.

Mga Bilang 1:19

sosog sa pagboot nin Kagurangnan. Ginibo ni Moises an pagsenso duman sa Desyerto nin Sinai.

Mga Bilang 9:22

Minsan iyan duwang aldaw sana, sarong bulan, sarong taon o labi pa, mantang an panganoron nasa ibabaw kan Tabernakulo dai sinda minapadagos; minalakaw sana sinda kun minaitaas na an panganoron.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

1 Corinto 4:2

An tawong pinaniwalaan kaipuhan magin maimbod sa kagurangnan niya.

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Hebreyo 3:2

Nagin siyang maimbod sa Dios na iyo an nagpili saiya arog man ki Moises na nagin maimbod sa paglingkod sa harong nin Dios.

Hebreyo 3:5

Nagin maimbod si Moises sa harong nin Dios bilang sorogoon; nagtaram siya dapit sa mga bagay na ipapahayag nin Dios sa maabot na panahon.