Exodo 4:31 - Marahay na Bareta Biblia

³¹ Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Exodo 4:31 ပူးပေါင်းရင်းမြစ်များ

Genesis 17:3

Nagdapa si Abram sa daga dangan nagtaram saiya an Dios,

Genesis 24:26

Nagluhod an sorogoon dangan nagsamba sa Kagurangnan

Genesis 29:32

Kaya nagbados si Lea asin nag-aki nin sarong lalaki na nginaranan niyang Ruben, huli ta nagsabi siya, “Nahiling nin Kagurangnan an sakong kasakitan asin ngunyan mamomotan na ako kan sakong agom.”

Genesis 50:24

Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.”

1 Mga Cronica 29:20

Dangan sinabihan ni David an katiriponan, “Omawon nindo an Kagurangnan na saindong Dios!” an bilog na katiriponan nag-omaw sa Kagurangnan, an Dios nin saindang mga ginikanan, nagduko kan saindang payo asin nagsamba sa Kagurangnan saka nagtaong galang sa hade.

2 Mga Cronica 20:18

Dangan nagdapa si Jehosafat asin an gabos na taga Juda saka mga taga Jerusalem sa pagsamba sa Kagurangnan.

2 Mga Cronica 32:8

Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

2 Mga Cronica 7:3

Kan mahiling kan bilog na Israel an kalayo na naghilig hale sa langit asin an kamurawayan nin Kagurangnan na nakapano sa Templo, nagdapa sinda, nagsamba saka nagpasalamat sa Kagurangnan, huli kan saiyang pagkamarahayon asin pagkamoot na daing kataposan.

Nehemias 8:6

Inomaw ni Esdras an Kagurangnan, an dakulang Dios, asin initaas kan gabos an saindang mga kamot saka nagsirimbag, “Amen! Amen!” Nagdarapa sinda asin nagsaramba sa Kagurangnan.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

Exodo 12:27

Masimbag kamo, ‘Iyo ini an paggiromdom kan Paskwa nin Kagurangnan, huli ta ilinigtas niya kami kan lihisan niya an harong kan mga Israelita duman sa Egipto, alagad ginadan niya an mga Egipcio.’” Dangan nagruluhod an mga Israelita asin nagsaramba.

Exodo 14:31

Nagkaigwa nin pagkatakot sa Kagurangnan an mga Israelita kan mahiling ninda an saiyang dakulang kapangyarihan kan daogon niya an mga Egipcio. Nagkaigwa sinda nin pagtubod sa Kagurangnan sagkod ki Moises na saiyang sorogoon.

Exodo 19:8

Sarabay na nagsimbag an mga tawo, “Gigibohon mi an gabos na itinaram nin Kagurangnan,” asin ibinareta ni Moises sa Kagurangnan an simbag kan mga tawo.

Exodo 19:9

Nagtaram an Kagurangnan ki Moises, “Madolok ako saimo sa mahibog na panganoron, tanganing madangog kan mga tawo an pagtaram ko saimo, asin tanganing sagkod lamang magtubod sinda sa saimo.” Ibinareta ni Moises sa Kagurangnan an simbag kan mga tawo.

Exodo 2:25

Nahiling niya an kamugtakan kan mga Israelita kaya naherak siya sainda.

Exodo 3:16

Lakaw asin tipona an mga lider nin Israel dangan sabihan mo sinda na Ako, an Kagurangnan, an Dios kan saindang mga ginikanan, an Dios ni Abraham, ni Isaac, asin ni Jacob nagpahiling saimo. Sabihan mo na dinalaw ko sinda asin nahiling ko kun ano an ginigibo sainda kan mga Egipcio.

Exodo 3:18

“Dadangogon ka kan sakong banwaan; dangan, kaiba an mga lider nin Israel, magduman kamo sa hade nin Egipto asin sabihan nindo siya, ‘An Kagurangnan, an Dios kan mga Hebreyo, nagpahiling sa samo. Ngunyan, tugote kaming maglakaw nin tolong aldaw pasiring sa kalangtadan tanganing mag-atang sa Kagurangnan, na samuyang Dios.’

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Exodo 33:10

Sa oras na mahiling kan mga tawo na an hariging panganoron nasa may pintoan na kan toldang pinagtatagboan, minaduruko sinda gabos sa pagsamba.

Exodo 34:8

Nagduko tolos si Moises asin nagsamba.

Exodo 4:5

Nagtaram an Kagurangnan, “Arog kaiyan an gibohon mo tanganing tumubod an mga Israelita na nagpahiling saimo an Kagurangnan, an Dios kan saindang mga ginikanan, an Dios ni Abraham, ni Isaac, asin ni Jacob.”

Sofonias 2:7

An mga natatadang namamanwaan nin Juda iyo an mag-eerok sa saindong daga. Papasabsabon ninda duman an saindang mga karnero asin makatorog sinda sa mga harong sa Askelon. Iibahan sinda kan Kagurangnan na saindang Dios, asin papauswagon giraray niya sinda.

Lukas 1:68

“Omawon an Kagurangnan, an Dios nin Israel! Huli ta dinalaw niya asin ilinigtas an saiyang banwaan.

Lukas 8:13

An banhi na nakasabwag sa lugar na magapo garo an mga tawo na kan madangog an tataramon nin Dios, maogmang minaako kaiyan. Alagad bakong hararom an pakagamot kaiyan; minatubod sinda sa halipot sanang panahon, alagad minasuhay sinda kun binabalo.

Ruth 1:6

Dai nahaloy, nabaretaan ni Naomi na benendisyonan nin Kagurangnan an saiyang banwaan sa pagtao sainda nin marahay na ani; kaya nag-andam siya na maghale sa Moab kaiba an saiyang mga manugang.