Exodo 4:21 - Marahay na Bareta Biblia

²¹ Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 4:21 ပူးပေါင်းရင်းမြစ်များ

Genesis 6:3

Dangan nagtaram an Kagurangnan, “Dai ko tutugotan na mabuhay sagkod lamang an tawo; siya may kagadanan. Poon ngunyan, sagkod sana sa syento beynteng taon an magigin buhay niya.”

1 Mga Hade 22:22

Hinapot nin Kagurangnan an espiritu, ‘Sa anong paagi?’ Asin nagsimbag siya, ‘Maduman ako asin magigin espiritung nagpuputik sa ngoso kan gabos niyang propeta.’ Nagtaram an Kagurangnan, ‘Dagkahon mo siya ta manggagana ka; lakaw saka giboha iyan.’”

Salmo 105:25

Pinangagin niyang kaongisan kan mga Egipcio an saiyang banwaan, asin dayaon an saiyang mga sorogoon.

Salmo 78:43

kan gibohon niya an saiyang mga ngangalasan sa Egipto, an saiyang mga milagro sa kapatagan nin Zoan.

Exodo 10:1

Dangan nagtaram an Kagurangnan ki Moises, “Magduman ka sa hade. Pinatagas ko an saiyang puso asin an puso kan saiyang mga opisyal tanganing ikapahiling ko sainda ining mga ngangalasan,

Exodo 10:20

Alagad pinatagas nin Kagurangnan an puso kan hade kaya dai niya tinugotan na humale an mga Israelita.

Exodo 10:27

Alagad pinatagas na naman nin Kagurangnan an puso kan hade kaya dai ini nagtugot na humale sinda.

Exodo 11:10

Ginibo ni Moises saka ni Aaron an mga ngangalasan na ini sa atubang kan hade, alagad pinatagas nin Kagurangnan an puso kan hade kaya dai niya tinugotan na humale sa saiyang daga an mga Israelita.

Exodo 11:9

Tinaraman nin Kagurangnan si Moises, “Dai ka dadangogon kan hade tanganing ikapahiling ko sa Egipto an dakul pang ngangalasan.”

Exodo 14:17

Orog na papatagason ko an puso kan mga Egipcio kaya lalamagon ninda an mga Israelita, asin makakakua ako nin kaomawan huli kan sakong kapangganahan laban sa hade, sa saiyang mga hukbo asin sa saiyang mga nakakabayo saka mga nakakarwaheng soldados.

Exodo 14:4

Papatagason ko an saiyang puso, kaya lalamagon niya kamo, alagad an kapangganahan ko saiya asin sa saiyang mga hukbo an matao sako nin kaomawan. Dangan maaaraman ninda na ako an Kagurangnan.” Sinunod kan mga Israelita an ipinagibo sainda.

Exodo 14:8

Pinatagas nin Kagurangnan an puso kan hade kaya linamag kaini an mga Israelita, na mapangganang nagharale.

Exodo 3:19

Aram kong dai matugot an hade na maghale kamo sagkod na dai siya mapiritan.

Exodo 3:20

Kaya gagamiton ko an sakong kapangyarihan asin papadusahan ko an Egipto sa paagi nin makangingirhat na mga bagay na gigibohon ko duman. Pakatapos kaiyan papahaleon na niya kamo.

Exodo 7:13

Maski siring, padagos na nagmatagas an hade, asin habong magdangog ki Moises dangan ki Aaron sosog sa itinaram nin Kagurangnan.

Exodo 7:3

Alagad papatagason ko an puso kan hade tanganing maski dakul na makangingirhat na bagay an gibohon ko sa Egipto, dai siya madangog saimo.

Exodo 8:11

Ika, an saimong mga opisyal, sagkod an saimong banwaan dai na iistorbohon kan mga talapang huli ta mawawara na ini asin mayong ibang matatada kundi idtong nasa salog.”

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 8:32

Alagad nagmatagas na naman an hade, asin dai tinugotan na humale an mga tawo.

Exodo 9:12

Alagad pinatagas nin Kagurangnan an puso kan hade, kaya dai kaini dinangog si Moises saka si Aaron, sosog sa itinaram nin Kagurangnan.

Exodo 9:35

Siring sa itinaram nin Kagurangnan ki Moises, dai tinugotan kan hade na maghale an mga Israelita.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Isaias 63:17

Tadaw ta itinugot mong maglagalag kami sa saimong mga dalan? Tadaw ta pinatagas mo an samong mga payo kun kaya nagtalikod kami saimo? Magbalik ka, huli na lamang sa mga tawong naglilingkod saimo, huli na lamang sa banwaan na danay na sadiri mo.

Juan 12:40

“Binuta sinda nin Dios, pinatagas niya an saindang mga payo, tanganing dai sinda makahiling, asin dai sinda makasabot, patin dai makabalik sako, nganing paomayan ko sinda.”

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

Roma 9:18

Kaya maheherakan niya an boot niyang maherakan; papatagason niya an puso kan boot niyang patagason.

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

Deuteronomio 2:36

Tinugotan kita nin Kagurangnan na sakopon an gabos na banwa magpoon sa Aroer na nasa tampi kan Kapantayan nin Arnon, asin an syudad na nasa kapantayan na ini, sagkod sa Gilead. Dai nakaolang sato an mga makosog na kudal kan arin man na banwa.

Josue 11:20

Ginibo nin Kagurangnan na maigot sindang makipaglaban sa mga Israelita tanganing ronoton sinda asin gadanon na mayo nin pagkaherak. Iyo ini an ipinagboot nin Kagurangnan ki Moises.

1 Pedro 2:8

Nasasabi pa sa kasuratan, “Iyo ini an gapong masisingkogan nin mga tawo, an gapong makakapatumba sainda.” Nasingkog sinda huli ta dai sinda nagtubod sa tataramon nin Dios; iyo ini an itinalaga para sainda.