Exodo 4:15 - Marahay na Bareta Biblia

¹⁵ Kaolayon mo siya asin sabihan mo kan dapat niyang itaram. Pareho ko kamong tatabangan sa pagtaram asin tutukdoan kan saindong gigibohon.

Exodo 4:15 ပူးပေါင်းရင်းမြစ်များ

2 Samuel 14:3

dangan magduman ka sa hade, asin sabihan mo siya kan sasabihon ko saimo.” Dangan sinabihan siya ni Joab kan saiyang sasabihon.

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 51:15

Kagurangnan, bukahon mo an sakuyang ngoso, asin an sakong dila magrurukyaw kan saimong kaomawan.

Exodo 3:12

Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Exodo 4:12

Kaya lakaw na! Tatabangan takang magpahayag asin tutukdoan taka kan sasabihon mo.”

Exodo 4:28

Dangan inistorya ni Moises ki Aaron an gabos na itinaram saiya nin Kagurangnan kan pinapabalik siya sa Egipto, sagkod an manongod sa mga ngangalasan na ipinagboot na gibohon niya.

Exodo 4:30

Sinabi sainda ni Aaron an gabos na itinaram nin Kagurangnan ki Moises dangan ginibo ni Moises sa atubang ninda an mga ngangalasan.

Isaias 51:16

Ako an nag-unat kan kalangitan asin an nagbugtak kan pundasyon kan kinaban; sinasabihan ko an Jerusalem, ‘Ika an sakong banwaan! Tinawan taka kan sakong katukdoan, asin kamot ko an nag-iingat sa saimo.’”

Isaias 59:21

Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”

Jeremias 1:9

Dangan inunat nin Kagurangnan an saiyang kamot, dinutaan an sakong ngoso, saka sinabihan ako, “Paghinanyog, itinatao ko saimo an mga tataramon na dapat mong itaram.

Jeremias 36:32

Dangan nagkua ako nin ibang suratan saka itinao ko sa sakong sekretaryo na si Baruc, dangan isinurat niya an gabos na sinabi ko saiya. Isinurat niya an gabos na nasa enot na kasuratan asin an parehong mga mensahe na idinikta ko saiya.

Mga Bilang 16:28

Sinabihan ni Moises an mga tawo, “Sa paaging ini maaaraman nindo na sinugo ako nin Kagurangnan tanganing gibohon an mga bagay na ini, asin bako ko ining sadiring kagustohan.

Mga Bilang 22:38

Nagsimbag si Balaam, “Uya na ako, bakong iyo? Alagad igwa daw ako nin kapangyarihan sa pagtaram? An itataram sako nin Dios iyo sana an sasabihon ko.”

Mga Bilang 23:12

Nagsimbag si Balaam, “Ikakasabi ko sana an itinaram sako nin Kagurangnan.”

Mga Bilang 23:16

Tinupar nin Kagurangnan si Balaam asin tinaraman kan mga dapat niyang itaram ki Balak. Dangan pinabalik niya si Balaam ki Balak.

Mga Bilang 23:5

Tinaraman nin Kagurangnan si Balaam kan mga dapat isabi niya dangan pinabalik niya ini ki Balak.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

1 Corinto 11:23

Huli ta an itinukdo ko saindo iyo an katukdoan na inako ko sa Kagurangnan: na kan bangging pinasaluiban si Jesus na Kagurangnan, nagkua siya nin tinapay,

1 Corinto 15:1

Ngunyan, mga tugang, boot kong ipagiromdom saindo an Marahay na Bareta na ipinaghulit ko saindo, na inako nindo saka pinatugmadan kan saindong pagtubod.

Deuteronomio 18:18

Papadarahan ko sinda nin sarong propeta na arog saimo hale sa saindang banwaan; tataraman ko siya kun ano an saiyang sasabihon, asin ipapahayag niya sa mga tawo an gabos kong ipinagboboot.

Deuteronomio 5:31

Maghilig ka dangan magbalik digdi, asin itatao ko saimo an gabos kong togon saka pagboot. Itukdo mo iyan sa mga tawo tanganing otobon ninda duman sa daga na itinatao ko sainda.’

1 Samuel 16:3

Alokon mo si Jesse sa pagsakripisyo, asin tataraman taka kan gigibohon mo. Lalahidan mo bilang hade an lalaking ngangaranan ko.”