Exodo 4:13 - Marahay na Bareta Biblia

¹³ Alagad nagsimbag si Moises, “Kagurangnan, nakikimaherak ako na iba na sana an sugoon mo.”

Exodo 4:13 ပူးပေါင်းရင်းမြစ်များ

Genesis 24:7

An Kagurangnan, an Dios nin langit, na nagdara sako digdi hale sa harong nin sakong ama asin sa dagang namundagan ko, nanuga sako na itatao niya an dagang ini sa sakong mga kapagarakian. Papaenoton niya saimo an saiyang anghel tanganing ikakua mo duman nin agom an aki ko.

Genesis 41:35

Pagbotan mo sinda na tiponon an gabos na pagkakan sa laog kan mga maabot na taon nin abunda asin tawan mo sinda nin kapangyarihan sa pagtipon saka sa pagbantay kan pagkakan sa mga syudad.

Genesis 48:16

Bendisyonan logod an mga aking ini kan anghel na nagligtas sako sa gabos na maraot! Huli sa mga aking ini, mabuhay logod an sakong ngaran asin an ngaran kan sakong mga magurang na si Abraham asin si Isaac! Magkaigwa logod sinda nin dakul na aki, asin dakul na kapagarakian!”

1 Mga Hade 19:4

dangan bilog na aldaw siyang naglakaw pasiring sa kalangtadan. Nag-ontok siya sa sarong kahoy, nagtukaw sa sirong kaini saka nagmawot na magadan. “Tama na Kagurangnan,” an pamibi niya. “Kuahon mo na ako; mas marahay pa sako an magadan!”

Exodo 23:20

“Susugoon ko an sarong anghel na mangengenot saindo tanganing bantayan kamo sa dalan asin tanganing darahon kamo sa lugar na sakong inandam.

Exodo 4:1

Dangan naghapot si Moises sa Kagurangnan, “Halimbawang dai magtubod asin magdangog sako an mga Israelita, ano an gigibohon ko kun magsabi sindang dai ka man nagpahiling sa sako?”

Exodo 4:12

Kaya lakaw na! Tatabangan takang magpahayag asin tutukdoan taka kan sasabihon mo.”

Exodo 4:14

Huli kaini, naanggot an Kagurangnan ki Moises asin nagtaram, “Bakong yaon an tugang mong Levita na si Aaron? Aram kong marahay siyang magtaram. An totoo, pasiring na siya digdi asin maoogma siyang mahiling ka.

Jeremias 1:6

Nagsimbag ako, “Kagurangnan Dios, dai ako tataong magtaram; aki pa ako!”

Jeremias 20:9

Alagad kun minasabi ako, “Lilingawan ko an Kagurangnan saka dai na ako mataram sa saiyang ngaran,” garo kalayong naglalaad sa puso ko an saimong tataramon. Hiningowa ko nanggad na itago iyan, alagad dai ko na iyan mapupugol.

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.

Jonas 1:6

Nahiling siya duman kan kapitan dangan sinabihan, “Tano ta nagkakatorog ka? Magbangon ka asin mag-apod sa saimong dios! Tibaad maherakan niya kita asin iligtas.”

Mateo 13:41

susugoon kan Aki nin Tawo an saiyang mga anghel nganing tiponon saka paluwason sa saiyang Kahadean an gabos na nagin dahelan nin kasalan asin an gabos na paragibo nin maraot.

Juan 6:29

Nagsimbag si Jesus, “An ipinapagibo saindo nin Dios iyo ini: magtubod kamo sa sinugo niya.”

Hukom 2:1

Hale sa Gilgal, an anghel nin Kagurangnan nagduman sa Bokhim asin nagsabi sa mga Israelita, “Ilinuwas ko kamo hale sa Egipto asin dinara sa dagang ipinanuga ko sa saindong mga ginikanan. Nagtaram ako kaidto: ‘Dai ko tatalikodan an sakong tipan sa saindo.