Exodo 39:43 - Marahay na Bareta Biblia

⁴³ Siniyasat ni Moises an gabos nindang ginibo dangan benendisyonan kan mahiling na nahaman an gabos sosog sa ipinagboot nin Kagurangnan.

Exodo 39:43 ပူးပေါင်းရင်းမြစ်များ

Genesis 1:31

Nahiling nin Dios na an gabos niyang ginibo orog karahay. Nag-aga dangan naghapon–iyo idto an ikaanom na aldaw.

Genesis 14:19

Benendisyonan ni Melkizedek si Abram na an sabi, “Bendisyonan logod si Abram kan Kahorohalangkaweng Dios, na kaggibo kan langit asin daga!

2 Samuel 6:18

Pakadolot ni David kan mga sakripisyo, benendisyonan niya an mga tawo sa ngaran nin Kagurangnan nin mga hukbo,

1 Mga Hade 6:38

Kan ikawalong bulan, an bulan nin Bul, kan ikaonseng taon kan paghade ni Solomon, natapos an Templo sosog sa plano. Pitong taon ining ipinatugdok ni Solomon.

1 Mga Hade 8:14

Mantang nagtitirindog duman an mga tawo, nag-atubang sainda si Hadeng Solomon asin benendisyonan sinda.

1 Mga Hade 8:55

nagtindog siya asin sa makosog na tingog benendisyonan niya an gabos na tawong nagtiripon duman. Nagsabi siya,

1 Mga Cronica 16:2

Pakadolot ni David kan mga sakripisyo, benendisyonan niya an mga tawo sa ngaran nin Kagurangnan;

2 Mga Cronica 30:27

Dangan hinagad sa Kagurangnan kan mga padi asin kan mga Levita na bendisyonan an banwaan. Sa langit na saiyang erokan nadangog dangan inako nin Dios an saindang pamibi.

2 Mga Cronica 6:3

Mantang nagtitirindog duman an mga tawo, nag-atubang sainda si Hadeng Solomon asin benendisyonan sinda.

Nehemias 11:2

Inomaw kan mga tawo an lambang nagboluntad na mag-erok sa Jerusalem.

Salmo 104:31

Magdanay logod sagkod lamang an kamurawayan nin Kagurangnan! An saiyang mga gibo ipag-ogma logod nin Kagurangnan!

Salmo 19:11

Huli kan saimong mga pagboot, an saimong sorogoon napapatanidan; igwa nin dakulang balos an pagkuyog kan mga iyan.

Exodo 12:28

Pakatapos, nagpuli sinda asin ginibo an ipinagboot nin Kagurangnan ki Moises saka ki Aaron.

Exodo 25:9

An Tabernakulo asin an gabos na kasangkapan kaiyan gibohon nindo siring sa plano na ipapahiling ko saimo.

Exodo 39:42

Nahaman kan mga Israelita an gabos na trabaho siring sa ipinagboot nin Kagurangnan ki Moises.

Exodo 40:1

Nagtaram an Kagurangnan ki Moises,

Exodo 40:25

asin duman sa atubang nin Kagurangnan, pinagkotan niya an mga ilawan, siring sa ipinagboot nin Kagurangnan.

Exodo 7:6

Ginibo ni Moises asin ni Aaron an gabos na ipinagboot sainda nin Kagurangnan.

Jeremias 13:5

Kaya nagduman ako saka itinago ko an habay harani sa Eufrates.

Levitico 16:34

An mga pagsusundon na ini kaipuhan na kuyogon sa gabos na panahon. Gigibohon an seremonyang ini sarong beses sa taon tanganing malinigan an mga Israelita kan saindang mga kasalan. Ginibo ni Moises an ipinagboot nin Kagurangnan.

Josue 22:6

Bago sinda pinapuli ni Josue, benendisyonan niya sinda asin sinabihan, “Mayaman kamong mapuli, dara an dakul na hayop, plata, bulawan, bronse, lansang sagkod gubing. Hirasan nindo an saindong mga tugang kan mga bagay na nasamsam nindo sa saindong mga kaiwal!” Dangan nagpuli na sinda. Itinao ni Moises sa kabanga kan tribu ni Manases an daga sa sirangan kan Jordan, alagad itinao ni Josue sa kabanga pang tribu ni Manases an daga sa solnopan kan Jordan, sa kaibahan kan ibang mga tribu.