Exodo 39:32 - Marahay na Bareta Biblia

³² Natapos an gabos na trabaho sa Tabernakulo; ginibo kan mga Israelita an gabos siring sa ipinagboot nin Kagurangnan ki Moises.

Exodo 39:32 ပူးပေါင်းရင်းမြစ်များ

1 Mga Hade 6:38

Kan ikawalong bulan, an bulan nin Bul, kan ikaonseng taon kan paghade ni Solomon, natapos an Templo sosog sa plano. Pitong taon ining ipinatugdok ni Solomon.

1 Mga Hade 7:40

Naggibo man si Huram nin mga kaldero, pala asin mga mangko. Tinapos niya an gabos na ipinagibo saiya ni Hadeng Solomon para sa Templo nin Kagurangnan: An duwang harigi An duwang kapitel na pormang mangko sa ibabaw kan mga harigi An sinalapid na mga kadena para sa mga kapitel An kwatro syentos na granadang pansamno, duwang raya nin granada para sa sarong kadenang nasa lambang kapitel An sampolong kariton An sampolong palanggana An tangke An doseng baka na natutumbawan kan tangke An mga kaldero, pala, asin mangko An mga kagamitan na ini para sa Templo, na ipinagibo ni Hadeng Solomon ki Huram gabos gibo sa makintab na bronse.

1 Mga Cronica 28:19

Nagsabi si David, “Ini gabos nasusurat sa planong ginibo sosog sa mga katukdoan na ipinapakuyog sako nin Kagurangnan.”

Exodo 12:28

Pakatapos, nagpuli sinda asin ginibo an ipinagboot nin Kagurangnan ki Moises saka ki Aaron.

Exodo 25:40

Kaipuhan sunodon nanggad nindo an plano na ipinahiling ko saimo sa bukid.

Exodo 31:7

an Tabernakulo, an Kaban nin Tipan asin an takop kaini, an gabos na gamit sa Tabernakulo,

Exodo 39:31

An koronang ini ginakodan ninda nin asul na pisi dangan ibinugtak sa atubangan kan mitra, siring sa ipinagboot nin Kagurangnan ki Moises.

Exodo 39:33

Dinara ninda ki Moises an Tabernakulo, an toldang pantahob sa Tabernakulo asin an mga kagamitan kaini, an mga kawit, an mga tabla, an mga trabisanyo, an mga harigi saka an mga patungtongan;

Exodo 40:1

Nagtaram an Kagurangnan ki Moises,

Exodo 40:3

Ilaog mo sa Tabernakulo an Kaban nin Tipan na sinarayan kan Sampolong Togon dangan lipodan mo nin kurtina sa atubangan.

Exodo 40:32

kun sinda minalaog sa Tabernakulo o kun sinda minadolok sa altar, siring sa ipinagboot nin Kagurangnan.

Mga Bilang 3:31

Sinda an mamamahala kan Kaban nin Tipan, kan lamesa, kan kandelero, kan mga altar, sagkod kan mga kasangkapan na ginagamit kan mga padi sa Banal na Lugar, patin kan kurtinang panlipod sa pintoan kan Kabanal-banaleng lugar. Sainda an gabos na trabaho na may kinaaraman sa mga bagay na ini.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Hebreyo 3:2

Nagin siyang maimbod sa Dios na iyo an nagpili saiya arog man ki Moises na nagin maimbod sa paglingkod sa harong nin Dios.

Hebreyo 8:5

Alagad an gibo kan mga pading ini kaagid sana asin anino kan nasa langit. Arog man kaiyan si Moises. Kan gigibohon na niya an tolda, sinabihan siya nin Dios, “Sunodon mo nanggad an plano na ipinahiling ko saimo sa bukid.”

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.