Exodo 38:18 - Marahay na Bareta Biblia

¹⁸ An kurtinang panlipod sa pintoan kan patyo ginibo niya sa hinabol na pinong lino asin sa mga telang lana na kolor asul, purpura asin pula na binurdahan. An sukol kaini siam na metros an laba asin duwang metros an langkaw, arog kan mga kurtina kan patyo.

Exodo 38:18 ပူးပေါင်းရင်းမြစ်များ

2 Mga Cronica 3:14

Nagpagibo man siya nin sarong panlipod na kurtina para sa Kabanal-banaleng Lugar; ini ginibo sa pinong lino asin sa mga telang lana na kolor asul, purpura saka pula, dangan igwa nin disenyong mga kerubin.

Exodo 26:1

“Gibohon nindo an Tabernakulo. An gagamiton nindo sampolong kurtina nin mga hinabol na pinong lino asin telang lana na kolor asul, purpura saka pula. Burdahan nindo iyan nin mga kerubin.

Exodo 26:36

“An pintoan kan tolda gibohan nindo nin panlipod na kurtinang hinabol na pinong lino asin mga telang lana na kolor asul, purpura saka pula na binurdahan.

Exodo 38:17

Ginibo niya sa bronse an mga patungtongan, alagad ginibo niya sa plata an mga kawit, an mga barat sagkod an mga patos kan poro kan mga harigi. An gabos na harigi sa palibot kan patyo binaratan niya nin mga barat na plata.

Exodo 38:19

An kurtinang panlipod sa pintoan natitindi sa apat na harigi na napapatindog sa apat na bronseng patungtongan. An mga kawit, an patos kan poro kan mga harigi asin an mga barat gibo sa bronse.