37 Para sa pintoan kan tolda, naggibo sinda nin panlipod na kurtinang hinabol na pinong lino asin mga telang lana na kolor asul, purpura asin pula na binurdahan.
An mismong pintoan bugtakan nindo nin binurdahan na kurtinang panlipod na siyam na metros an laba, gibo sa pinong lino asin telang lana na kolor asul, purpura saka pula. Isabit nindo ini sa apat na hariging napapatindog sa apat na patungtongan.
Naggibo man sinda nin apat na hariging akasya, na pinatos ninda nin bulawan asin binugtakan nin mga kawit na bulawan tanganing sabitan kan kurtina. Dangan naggibo sinda nin apat na patungtongan na plata na papatindogan kan mga harigi.