Exodo 36:1 - Marahay na Bareta Biblia

¹ “Si Bezalel, si Oholiab asin an gabos na trabahador na tinawan nin Kagurangnan nin kakayahan asin pakasabot, tanganing maaraman an pagtugdok kan Tabernakulo, iyo an magiribo kan gabos na bagay siring sa pagboot nin Kagurangnan.”

Exodo 36:1 ပူးပေါင်းရင်းမြစ်များ

1 Mga Hade 7:14

An saiyang ama, na haloy nang gadan, gikan sa Tiro asin sarong ekspertong panday nin bronse; an saiyang ina gikan sa tribu ni Neftali. Si Huram sarong madonong na panday asin eksperto sa paggibo nin mga kagamitan na bronse. Nagduman si Huram ki Hadeng Solomon asin ginibo an gabos niyang trabaho.

1 Mga Cronica 2:20

Si Hur iyo an ama ni Uri na ama ni Bezalel.

1 Mga Cronica 28:21

Natawan na nin mga katongdan sa Templo an mga padi saka mga Levita. Andam sa pagtabang saimo an gabos na tawong igwa nin kakayahan. An gabos na opisyal asin an bilog na banwaan nasa irarom kan saimong pagboot.”

Salmo 119:6

Kaya ngapit dai ako mapapasopog, huli ta inootob ko an gabos mong kabotan.

Exodo 12:28

Pakatapos, nagpuli sinda asin ginibo an ipinagboot nin Kagurangnan ki Moises saka ki Aaron.

Exodo 25:8

Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda.

Exodo 28:3

Ipaapod mo an gabos na tawong tinawan ko nin kakayahan, asin sabihan mo sinda na gibohon an mga gubing ni Aaron, tanganing konsagrahon siya bilang padi na malingkod sako.

Exodo 31:11

an panlahid na lana, dangan an mahamot na insenso para sa Banal na Lugar. Gigibohon ninda ini gabos siring nanggad sa ipinagboot ko saimo.”

Exodo 36:2

Inapod ni Moises si Bezalel, si Oholiab asin an iba pang ekspertong lalaki na tinawan nin Kagurangnan nin kakayahan asin boot na magtabang, dangan sinabihan na magpoon nang magtrabaho.

Exodo 38:23

Katabang ni Bezalel si Oholiab, na aki ni Ahisamak na gikan sa tribu ni Dan, na sarong paraukit, paradibuho asin parahabol nin pinong lino saka mga telang lana na kolor asul, purpura asin pula.

Exodo 39:1

Hale sa mga telang lana na kolor asul, purpura asin pula, ginibo kan mga trabahador an magagayon na gubing na isusulot kan mga padi kun sinda naglilingkod sa Banal na Lugar. Ginibo ninda an banal na mga gubing ni Aaron siring sa ipinagboot nin Kagurangnan ki Moises.

Mga Bilang 7:9

Dai niya tinawan nin ano man an mga aki ni Kohat huli ta an katongdan na itinao sainda iyo an pangataman kan mga sagradong bagay na kaipuhan pasanon ninda.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Hebreyo 8:2

Naglilingkod siya bilang Halangkaw na Padi duman sa Kabanal-banaleng Lugar, na an boot sabihon, sa tunay na tabernakulo na pinatindog kan Kagurangnan, bakong kan mga tawo.