Exodo 35:29 - Marahay na Bareta Biblia

²⁹ Nagdarara kaining mga dolot an gabos na Israelita na boot magtabang, lalaki man o babae, bilang dolot sa Kagurangnan para sa trabaho na ipinapagibo niya ki Moises.

Exodo 35:29 ပူးပေါင်းရင်းမြစ်များ

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

1 Mga Cronica 29:3

Laen pa kaini, bilang dagdag sa mga inandam ko para sa Templo, hale sa sadiri kong kayamanan nagtao na ako nin bulawan saka plata, huli kan sakuyang pagkamoot sa Templo nin Dios.

1 Mga Cronica 29:6

Dangan nagtarao nin mga boluntad na dolot an mga pamayo nin mga kamaganakan, an mga lider kan mga tribu, an mga opisyal nin mga rinibo saka mga ginatos na soldados, asin an mga administrador kan mga sadiri kan hade.

2 Mga Cronica 35:8

An saiyang mga opisyal boluntad man na nagtao para sa mga tawo, sa mga padi, saka sa mga Levita. Si Hilkias, an Halangkaw na Padi, si Zacarias saka si Jehiel, an mga opisyal na namamahala kan Templo, nagtao man nin dos mil seis syentos na kordero saka mga ogbon na kanding asin tres syentos na torong baka para sa mga sakripisyo.

Esdras 3:5

siring man an mga tinutong na atang, an mga dolot sa Pyesta nin Bagong Bulan asin sa iba pang itinalaan na pyesta nin Kagurangnan, dangan an boluntad na mga dolot sa Kagurangnan.

Esdras 8:28

Dangan sinabihan ko sinda, “Banal kamo para sa Kagurangnan, an Dios kan saindong mga ginikanan, siring man an plata saka bulawan na kagamitan na bilog na pusong idinolot saiya.

Exodo 35:4

Sinabihan ni Moises an bilog na komunidad nin Israel, “Ini an ipinagboboot nin Kagurangnan:

Exodo 35:5

Magtao kamo nin dolot sa Kagurangnan. An siisay man na boot magdolot, magtao nin bulawan, plata o bronse;

Exodo 36:3

Inako ninda ki Moises an gabos na dolot kan mga Israelita para sa pagtugdok kan Tabernakulo. Aga-aga, an mga Israelita padagos man giraray sa pagdara ki Moises kan saindang mga dolot.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

1 Corinto 3:5

Huli ta siisay si Apolos? Siisay si Pablo? Mga sorogoon sana kami nin Dios na ginamit niya tanganing giyahan kamo sa pagtubod sa Kagurangnan. An lambang saro samo naggigibo kan ipinapagibo samo nin Kagurangnan:

1 Corinto 9:17

Kun gibohon ko ini sa sadiri ko sanang kabotan, maglalaom akong bayadan; alagad ginigibo ko ini bilang pag-otob sa katongdan na itinao sako nin Dios.

2 Corinto 9:7

Kaya an lambang saro dapat na magtao sosog sa saiyang pinagmarahay, bakong tumang sa boot o napipiritan sana, huli ta an Dios namomoot sa maogmang paratao.

Galacia 6:16

An katoninongan saka pagkaherak nin Dios mapasagabos na nag-ootob kaining pagsusundon—sa sainda asin sa bilog na banwaan nin Dios!

Deuteronomio 11:32

kuyogon nanggad nindo an mga pagboot na itinatao ko saindo ngunyan na aldaw.

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

2 Pedro 1:19

Kaya nag-orog an samong pagsarig sa mga ipinahayag kan mga propeta. Marahay para saindo na pahalagahan an pahayag na iyan—iyan garo sarong ilawan na nagliliwanag sa madiklom na lugar, sagkod na magbanaag an Aldaw asin magliwanag an bitoon na makaaga sa saindong mga puso.

Hukom 5:2

Pag-omawon an Kagurangnan! Desidido an mga Israelita sa pakilaban; nag-iba sinda na may kaogmahan.

Hukom 5:9

Nasa mga pamayo nin Israel an puso ko, asin nasa mga tawong nag-iriba na may kaogmahan. Pag-omawon an Kagurangnan!