Exodo 35:21 - Marahay na Bareta Biblia

²¹ asin an lambang saro na boot magtabang, nagdolot sa Kagurangnan kan gabos na bagay na kaipuhan sa paggibo kan Tabernakulo, sa pagsamba sagkod sa paggibo kan mga gubing para sa padi.

Exodo 35:21 ပူးပေါင်းရင်းမြစ်များ

2 Samuel 7:27

Nagkaigwa ako nin kosog na magpamibi saimo, O Kagurangnan nin mga hukbo, Dios nin Israel, huli ta ipinahayag mo ini gabos sako, na saimong sorogoon, dangan tinaraman na gigibohon mong mga hade an sakong kapagarakian.

1 Mga Cronica 28:2

Nagtindog si David sa atubangan ninda asin nagsabi: “Magdangog kamo, mga tugang asin mga kahimanwa. Nasa puso ko na kaidto an pagtugdok nin sarong harong na bugtakan kan Kaban nin Tipan, an tungtongan kan Kagurangnan na satong Dios. Inandam ko na an mga kagamitan para sa pagtugdok kan templo,

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

1 Mga Cronica 29:3

Laen pa kaini, bilang dagdag sa mga inandam ko para sa Templo, hale sa sadiri kong kayamanan nagtao na ako nin bulawan saka plata, huli kan sakuyang pagkamoot sa Templo nin Dios.

1 Mga Cronica 29:8

An mga igwa nin mahahalagang bato minatao kaiyan para sa kayamanan kan Templo, na nasa pamahala ni Jehiel kan Levitang kamaganakan ni Gerson.

1 Mga Cronica 29:9

Tudok sa boot na nagtarao nin dolot an banwaan; naogma sinda huli ta dakul an idinolot sa Kagurangnan. Nag-ogma man nin marahay an hade na si David.

Esdras 2:68

Kan makaabot na sa Templo nin Kagurangnan sa Jerusalem an mga itinapok, nagtao an nagkapira sa mga pamayo nin mga kamaganakan nin mga boluntad na atang para sa paghirahay kan Templo sa dating namumugtakan kaini.

Esdras 7:27

Nagsabi si Esdras, “Pagomawon an Kagurangnan, an Dios nin samuyang mga ginikanan, na naghiro kan puso kan emperador tanganing pagayonon an Templo nin Kagurangnan sa Jerusalem,

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Exodo 25:2

“Sabihan mo an mga Israelita na magtao nin dolot sako. Akoon mo an anoman na boot nindang idolot.

Exodo 35:20

Dangan nagharale an mga Israelita sa atubangan ni Moises,

Exodo 35:22

An gabos na boot magdolot, lalaki man o babae, nagdarara nin mga magayon na alpiler, hikaw, singsing, pulseras asin iba pang mga alahas na bulawan dangan idinolot ninda ini gabos sa Kagurangnan.

Exodo 35:26

Nagporon man sinda nin torsidong hale sa balukag nin kanding.

Exodo 35:29

Nagdarara kaining mga dolot an gabos na Israelita na boot magtabang, lalaki man o babae, bilang dolot sa Kagurangnan para sa trabaho na ipinapagibo niya ki Moises.

Exodo 35:5

Magtao kamo nin dolot sa Kagurangnan. An siisay man na boot magdolot, magtao nin bulawan, plata o bronse;

Exodo 36:2

Inapod ni Moises si Bezalel, si Oholiab asin an iba pang ekspertong lalaki na tinawan nin Kagurangnan nin kakayahan asin boot na magtabang, dangan sinabihan na magpoon nang magtrabaho.

Mga Talinhaga 4:23

Ingatan mo an saimong kaisipan, huli ta minabulos hale diyan an mga burabod nin buhay.

Jeremias 30:21

An saindang pamayo magikan sa sadiri nindang nasyon, an saindang prinsipe maghahale sa sainda man sana. Madolok siya sako kun alokon ko siya, huli ta siisay an mangangahas na dumolok na dai inalok? Sinda magigin banwaan ko, asin ako an magigin Dios ninda. Ako, an Kagurangnan, an nagtaram.”

Mateo 12:34

Mga rimoranon! Paano kamong makataram nin mga marahay na bagay, na kamo mga maraot? Huli ta kun ano an nasa puso iyo an maluwas sa ngoso.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

2 Corinto 9:7

Kaya an lambang saro dapat na magtao sosog sa saiyang pinagmarahay, bakong tumang sa boot o napipiritan sana, huli ta an Dios namomoot sa maogmang paratao.

Hukom 5:12

Mangenot ka, O Debora, mangenot ka! Mangenot ka sa pagkanta! Mangenot ka, O Barak, aking lalaki ni Abinoam, daraha an saimong mga bihag!

Hukom 5:3

Pagdangog kamo, mga hade! Paghinanyog kamo, mga namamayo! Makanta ako, asin magibo nin musika para sa Kagurangnan, an Dios nin Israel.

Hukom 5:9

Nasa mga pamayo nin Israel an puso ko, asin nasa mga tawong nag-iriba na may kaogmahan. Pag-omawon an Kagurangnan!