Exodo 35:2 - Marahay na Bareta Biblia

² Gibohon nindo an gabos nindong trabaho sa laog nin anom na aldaw, alagad sa ikapitong aldaw magkakaigwa kamo nin sarong Sabbath nin solemning pahingalo para sa Kagurangnan. Gagadanon an siisay man na magtrabaho sa aldaw na iyan.

Exodo 35:2 ပူးပေါင်းရင်းမြစ်များ

Exodo 16:23

Sinabihan sinda ni Moises, “Ipinagboot nin Kagurangnan na lutoon na nindo ngunyan an gusto nindong lutoon. An pagkakan na matada isaray nindo para sa masunod na aldaw, huli ta an bilog na aldaw sa aga, aldaw nin pahingalo, sarong banal na Sabbath para sa Kagurangnan.”

Exodo 23:12

“Magtrabaho kamo sa laog nin anom na aldaw alagad sa ikapitong aldaw magpahingalo kamo, tanganing makapahingalo man an saindong mga oripon saka an mga dayuhan, dangan mahingaloan man an saindong mga hayop.

Exodo 34:21

“Magtrabaho kamo sa laog nin anom na aldaw, alagad magpahingalo kamo sa ikapitong aldaw; magpahingalo kamo maski sa panahon nin pag-arado o nin pag-ani.

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Levitico 23:3

Magtrabaho kamo sa laog nin anom na aldaw, alagad an ikapitong aldaw iyo an Sabbath nin solemning pahingalo, sarong banal na pagtiripon; dai kamo magtrabaho. Saen man kamo mag-erok, giromdomon nindong an aldaw na iyan sarong Sabbath para sa Kagurangnan.

Juan 5:16

Kaya hiningowang pasakitan si Jesus kan mga Judio huli ta nagbolong siya sa aldaw na Sabbath.