Exodo 34:9 - Marahay na Bareta Biblia

⁹ Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Exodo 34:9 ပူးပေါင်းရင်းမြစ်များ

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 25:11

Huli kan saimong ngaran, O Kagurangnan, patawada ako ta makuring gayo an sakong kasalan.

Salmo 28:9

Ligtasan, Kagurangnan, an saimong banwaan; an pamana mo saimong bendisyonan. Magin pastor ka ninda, atamana sinda sagkod lamang.

Salmo 33:12

Paladan an nasyon na an Dios iyo an Kagurangnan, an banwaan na saiyang pinili bilang pamana niya.

Salmo 78:62

Naanggot siya sa sadiri niyang banwaan asin itinugot niyang gadanon sinda kan saindang mga kaiwal.

Salmo 94:14

Dai pababayaan nin Kagurangnan an saiyang banwaan; an sadiri niyang pamana dai niya tatalikodan.

Exodo 19:5

Kaya ngunyan, kun susunodon nindo ako asin kun ootobon nindo an sakong tipan, pipilion ko kamo bilang sadiri ko sa gabos na banwaan huli ta rogaring ko an bilog na kinaban.

Exodo 32:9

Nagtaram pa an Kagurangnan ki Moises, “Nahiling ko na matagas an payo kan mga tawong ini.

Exodo 33:12

Nagsabi si Moises sa Kagurangnan, “Totoo mananggad na sinabihan mo ako na pangenotan ko an mga tawong ini pasiring sa dagang idto, alagad dai mo ako tinaraman kun siisay an makakatabang ko. Nagsabi kang midbid mo ako asin nawiwilihan mo.

Exodo 34:7

Inootob ko an sakong panuga sa ribo-ribong henerasyon asin pinapatawad ko an karatan saka an kasalan; alagad sakuyang papadusahan an mga aki saka mga makoapo sagkod sa ikatolo asin sa ikaapat na henerasyon huli sa mga kasalan kan saindang mga magurang.”

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Zacarias 2:12

An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Mga Bilang 14:19

Nakikimaherak ako, patawada an kasalan kan mga tawong ini Kagurangnan, sosog sa saimong dakula asin danay na pagkamoot, siring kan pagpatawad mo sainda poon kan paghale ninda sa Egipto.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Deuteronomio 32:9

Huli ta an kapagarakian ni Jacob saiyang pinili na magin saiyang sadiring kahirasan.

Deuteronomio 4:20

Alagad kamo an banwaan na ilinigtas niya sa Egipto, an nagkakalayong horno, tanganing gibohon niyang sadiring banwaan, na iyo kamo ngunyan.

Deuteronomio 9:18

Dangan nagdapa giraray ako sa atubang nin Kagurangnan sa laog nin kwarentang aldaw asin banggi; dai ako nagkakan o nag-inom nin ano man. Ginibo ko iyan huli ta nagkasala kamo sa Kagurangnan asin pinaanggot nindo siya.

Deuteronomio 9:26

Namibi ako, ‘O Kagurangnan Dios, hare pagtunawa an saimong sadiring banwaan na ilinigtas mo asin ilinuwas hale sa Egipto huli kan saimong dakulang kosog asin kapangyarihan.

Deuteronomio 9:29

Iyo baga ini an banwaan na saimong pinili bilang sadiri asin ilinuwas sa Egipto huli kan saimong dakulang kapangyarihan asin kosog.’