Exodo 34:7 - Marahay na Bareta Biblia

⁷ Inootob ko an sakong panuga sa ribo-ribong henerasyon asin pinapatawad ko an karatan saka an kasalan; alagad sakuyang papadusahan an mga aki saka mga makoapo sagkod sa ikatolo asin sa ikaapat na henerasyon huli sa mga kasalan kan saindang mga magurang.”

Exodo 34:7 ပူးပေါင်းရင်းမြစ်များ

Genesis 19:16

Nagduwa-duwa si Lot, alagad naherak saiya an Kagurangnan, kaya kinapotan kan duwang anghel an saiyang kamot asin an kamot kan saiyang agom saka kan saiyang mga aki dangan ilinuwas sinda sa syudad.

1 Mga Hade 8:30

Hinanyoga an saimong sorogoon asin an saimong banwaan sa Israel sa panahon na mamibi kamong arubang sa lugar na ini. Hinanyoga kami hale sa saimong erokan sa langit asin patawada kami.

1 Mga Hade 8:32

hinanyoga, Kagurangnan, dangan hukoman mo an saimong mga sorogoon. Padusahan mo an nagkasala asin ligtasan an matanos.

2 Mga Cronica 30:9

Huli ta kun magbalik kamo sa Kagurangnan, an saindong mga kadugo asin mga aki maheherakan kan mga nagbihag sainda, dangan papabalikon sinda sa dagang ini. Maugayon asin maheherakon an Kagurangnan na saindong Dios, kaya aakoon niya kamo kun magbalik kamo saiya.”

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

An Libro ni Job 10:14

Binabantayan mo ako tanganing mahiling kun ako nagkakasala, tanganing dai mo ako mapatawad.

Salmo 103:3

Pinapatawad niya an gabos kong kasalan, binobolong niya an gabos kong helang.

Salmo 109:14

Giromdomon logod nin Kagurangnan an karatan kan saiyang mga ginikanan; an kasalan kan saiyang ina dai logod mapatawad.

Salmo 130:4

Alagad yaon saimo an pagpatawad, tanganing ika samong katakotan.

Salmo 136:10

Mga panganay sa Egipto saiyang ginadan; an saiyang pagkamoot mayo nin kataposan.

Salmo 136:15

alagad an Faraon asin an hukbo kaini linamos niya duman; an saiyang pagkamoot mayo nin kataposan.

Salmo 25:11

Huli kan saimong ngaran, O Kagurangnan, patawada ako ta makuring gayo an sakong kasalan.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Salmo 99:8

Kagurangnan nyamong Dios, sinimbag mo sinda; para sainda ika an Dios na nagpapatawad, alagad nagpapadusa kan saindang mga maraot na gawe.

Exodo 23:21

Magdangog kamo saiya asin magsunod sa gabos niyang sasabihon. Dai nindo siya pagkontrahon huli ta sugo ko siya, asin dai niya papatawadon an saindong pagkakasala.

Exodo 23:7

Dai ka magtugod-tugod; dai mo paggadanon an tawong mayong sala asin matanos, huli ta dai ko paliligtason an may sala.

Exodo 33:19

Nagsimbag an Kagurangnan, “Papaagihon ko sa atubang mo an gabos kong kamurawayan asin ipapahayag ko an banal kong ngaran. Ako iyo an Kagurangnan; kakaherakan ko an gusto ko, asin tatawan ko nin biyaya an mawilihan ko.

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Isaias 45:21

Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Jeremias 30:11

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo! Ako, an Kagurangnan, an nagtaram.”

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Jeremias 9:24

Kun may boot mag-orgulyo, ipag-orgulyo niya na namimidbidan asin nasasabotan niya ako, huli ta nagdadanay an sakong pagkamoot, saka ginigibo ko an tama asin matanos. Iyan an mga bagay na nawiwilihan ko. Ako, an Kagurangnan, an nagtaram.”

Daniel 9:4

Namibi ako sa Kagurangnan na sakong Dios asin itinuga ko an mga kasalan kan sakong mga kahimanwa. Nagsabi ako, “Kagurangnan Dios, dakula ka asin ginagalangan mi ika. Maimbod ka sa saimong tipan asin ipinapahiling mo an danay mong pagkamoot sa mga namomoot saimo saka nag-ootob kan saimong katogonan.

Daniel 9:9

Nasa Kagurangnan an pagkaherak asin pagpatawad huli ta nagtumang kami saiya.

Mikas 6:11

Paano ko mapapatawad an mga tawong naggagamit nin salang takadan saka timbangan?

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Mateo 12:31

Kaya sinasabihan ko kamo, papatawadon an mga tawo kan ano man na kasalan o paglanghad; alagad an maglanghad sa Espiritu Santo dai papatawadon.

Mateo 6:12

Patawada kami kan samong mga kasalan, siring kan pagpatawad nyamo sa mga nagkasala samuya.

Lukas 7:42

Kan dai makabayad an duwang ini kan utang ninda, pareho sindang pinatawad kan parapautang. Ngunyan, siisay sa duwa an orog na mamomoot sa parapautang?”

Lukas 7:48

Dangan sinabihan ni Jesus an babae, “An saimong mga kasalan pinapatawad na.”

Mga Gibo 13:38

Mga tugang, kamo gabos dapat makaaram na sa paagi ni Jesus ipinaghuhulit an kapatawadan nin mga kasalan.

Mga Gibo 5:31

Ilinangkaw siya nin Dios sa too niyang kamot bilang Lider asin Paraligtas, tanganing tawan an mga Israelita nin panahon na makapagbakle asin mapatawad an saindang mga kasalan.

Efeso 1:7

Tinubos kita ni Cristo huli kan saiyang dugo, pinatawad kita kan satong mga kasalan, sosog sa kayamanan kan biyaya nin Dios,

Efeso 4:32

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

Deuteronomio 7:10

alagad dai siya nagduduwa-duwa sa pagpadusa sa mga naaanggot saiya.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

Hebreyo 12:29

huli ta an satong Dios garo kalayong nanghahalon.

Josue 24:19

Nagsabi si Josue sa mga Tawo, “Alagad tibaad dai kamo makapaglingkod sa Kagurangnan. Siya sarong Dios na banal; sarong maimon na Dios. Dai niya mapapatawad an saindong mga kasalan asin kasombikalan.

1 Juan 1:9

Alagad kun ikumpisal ta sa Dios an satong mga kasalan, lilinigan niya kita saka papatawadon; lilinigan kita kan gabos tang kasalan, huli ta maimbod siya asin matanos.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”