Exodo 34:29 - Marahay na Bareta Biblia

²⁹ Kan maghilig si Moises hale sa Bukid nin Sinai na dara an Sampolong Togon, dai niya naaraman na nagliliwanag an saiyang lalawogon huli sa pakikipag-olay niya sa Kagurangnan.

Exodo 34:29 ပူးပေါင်းရင်းမြစ်များ

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 32:15

Dangan nagbalik si Moises, asin naghilig hale sa bukid dara an duwang tablang gapo na mag-ibong na nasusuratan kan mga togon.

Exodo 34:35

asin nahihiling kan mga tawo na nagliliwanag an saiyang lalawogon. Kaya tinatahoban giraray ni Moises nin belo an saiyang lalawogon sagkod sa masunod niyang pakipag-olay sa Kagurangnan.

Parahulit 8:1

An madonong sana an nakakasabot kan tunay na kahulogan kan mga bagay. An kadonongan iyo an nakakapaliwanag kan saiyang lalawogon asin nakakapara kan mga korondot sa saiyang angog.

Mateo 17:2

Kan idtoon na sinda, nahiling nindang naliwat si Jesus; nagliwanag siring sa aldaw an lalawogon niya, asin nagkintab sa kaputian an saiyang gubing.

Markos 14:40

Dangan binalikan niya giraray an mga disipulo alagad inabotan niya sindang tororog na naman, huli ta grabe an pirot ninda. Dai ninda aram kun ano an isisimbag saiya.

Markos 9:6

Dai naaraman ni Pedro kun ano an saiyang sasabihon, huli ta siya asin an saiyang duwang kairiba inabotan nin dakulang takot.

Lukas 2:49

Sinabihan niya sinda, “Tadaw ta hinahanap nindo ako? Dai nindo aram na kaipuhan nasa harong ako kan sakong Ama?”

Lukas 9:29

Mantang namimibi siya, naliwat an saiyang lalawogon asin nagin nakakasulang puti an gubing niya.

Juan 5:13

Alagad dai midbid kan lalaki kun siisay an nagbolong saiya, huli ta kadakul kan mga tawo duman saka huminale na si Jesus.

Mga Gibo 12:9

Nagsunod saiya si Pedro paluwas sa bilanggoan; alagad dai siya naghohona na tunay an ginigibo kan anghel; an hona niya, sarong bisyon sana an saiyang nahihiling.

Mga Gibo 23:5

Nagsimbag si Pablo, “Mga tugang, dai ko aram na siya an Halangkaw na Padi. Huli ta nasusurat, ‘Dai ka dapat magtaram nin maraot dapit sa pamayo kan saimong banwaan.’”

Mga Gibo 6:15

Hiniling si Esteban kan gabos na kaayon kan Konseho; namasdan ninda na an lalawogon niya garo sa anghel.

2 Corinto 3:13

Bako kaming arog ki Moises na kaipuhan pang magtahob kan saiyang lalawogon tanganing dai mahiling kan mga Israelita an pagkawara kan nagpapara nang liwanag.

Deuteronomio 10:5

Kaya naghilig ako hale sa bukid dangan ilinaog ko an mga gapo sa Kaban na ginibo ko sosog sa ipinagboot nin Kagurangnan; poon kaidto yaon sa laog kan Kaban an mga Togon.” (

Josue 2:4

“Totoo na may mga lalaking nagdigdi sa sakong harong,” an simbag ni Rahab, “alagad dai ko aram kun mga taga saen sinda. Nagharale sinda pagsolnop kan aldaw, bago sinerahan an trangkahan kan syudad. Dai ko sinda hinapot kun saen sinda maduman, alagad kun lalamagon nindo tolos sinda, maaabotan pa nindo sinda.” (An totoo, dinara ni Rahab sa atop an duwang espiya asin tinago sa irarom kan mga dagami na ibinugtak niya duman.)

Josue 8:14

Kan mahiling kan hade nin Ai an mga soldados ni Josue, naghidali siya asin an gabos niyang soldados sa pagduman sa Kapantayan nin Jordan tanganing labanan an mga Israelita; dai niya aram na sasalakayon sinda hale sa likodan.

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 10:1

Dangan nahiling ko an saro pang mapangyaring anghel na naghihilig hale sa langit. Napapatos siya nin panganoron, asin may bulalangaw sa palibot kan saiyang payo. An lalawogon niya nagliliwanag arog kan aldaw saka an mga tabay niya garo mga hariging kalayo.

Hukom 16:20

Dangan nagkurahaw si Delila, “Samson, uya na an mga Filisteo!” Nagmata si Samson dangan nagsaboot, “Makakaligtas ako siring kan mga enot na nangyari.” Dai pa niya naisihan na binayaan na siya nin Kagurangnan.