Exodo 34:27 - Marahay na Bareta Biblia

²⁷ Nagtaram an Kagurangnan ki Moises, “Isurat mo an mga tataramon na ini huli ta iyo ini an kakosogan kan pakikipagtipan ko saimo asin sa Israel.”

Exodo 34:27 ပူးပေါင်းရင်းမြစ်များ

Exodo 17:14

Dangan nagtaram an Kagurangnan ki Moises, “Isurat mo an kapangganahan na ini tanganing dai malingawan. Sabihan mo si Josue na paparaon ko sa daga an mga Amalekita.”

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.

Exodo 24:7

Pakatapos, kinua niya an libro nin tipan, na nasusuratan kan mga togon nin Kagurangnan, dangan binasa nin makosog sa atubang kan mga tawo. An mga Israelita nagsimbag, “Susunodon mi an Kagurangnan asin gigibohon mi an gabos niyang pagboot.”

Exodo 34:10

Nagtaram an Kagurangnan ki Moises, “Makikipagtipan ako ngunyan sa banwaan nin Israel. Sa atubangan ninda, magibo ako nin ngangalasan na dai pa lamang nagigibo sa bilog na daga, o sa arin man na nasyon. Mahihiling kan gabos na tawo an darakulang bagay na gigibohon ko, huli ta magibo ako nin makangingirhat na bagay para saimo.

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Deuteronomio 4:13

Ipinahayag niya saindo an saiyang tipan, na ipinagboot niyang otobon nindo, an Sampolong Togon na isinurat niya sa duwang tablang gapo.