Exodo 34:26 - Marahay na Bareta Biblia

²⁶ “Taon-taon dadarahon nindo sa harong nin Kagurangnan na saindong Dios an pinakamarahay sa mga enot na bunga kan saindong daga. “An ogbon na karnero o kanding, dai nindo paglutoon sa gatas nin saiyang ina.”

Exodo 34:26 ပူးပေါင်းရင်းမြစ်များ

Nehemias 10:35

Taon-taon, nanunuga kami na dadarahon mi sa Templo bilang dolot an mga enot na bunga kan samuyang daga asin mga kahoy.

Exodo 23:19

“Taon-taon dadarahon nindo sa harong nin Kagurangnan na saindong Dios an pinakamarahay sa mga enot na bunga kan saindong daga. “An ogbon na karnero o kanding dai nindo paglutoon sa gatas nin saiyang ina.

Levitico 23:10

“Sabihan mo an banwaan nin Israel na kun maglaog na kamo sa dagang itinatao ko saindo asin mag-ani na kamo, dadarahon nindo sa padi an enot na ginuygoy kan enot nindong inani.

Levitico 23:14

Dai kamo magkakan kan bago nindong inani, maski hilaw o dinarang o ginibong tinapay, sagkod na dai pa kamo nakadara sa Dios kan mga dolot na iyan. An pagsusundon na ini gigibohon kan saindong kapagarakian sagkod sa mga maabot na panahon.

Mga Bilang 15:20

Kun magluto kamo nin tinapay, idodolot nindo sa Kagurangnan an enot na pedaso kan enot na tinapay na ginibo hale sa bagong aning trigo. Idodolot nindo iyan siring kan pagdolot nindo kan espesyal na regalo na kinukua nindo hale sa gininik na trigo.

Mga Bilang 18:13

An gabos na iyan magigin saimo. Pwedeng kumakan kaiyan an lambang malinig na kaayon kan saimong pamilya.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

1 Corinto 15:20

Alagad an totoo, si Cristo binuhay liwat sa mga gadan bilang patotoo na bubuhayon liwat an mga gadan.

Deuteronomio 14:21

“Dai kamo magkakan kan arin man na hayop na nagadan sa natural na paagi, huli ta kamo sarong banwaan na banal para sa Kagurangnan na saindong Dios. An hayop pwede nindong ipakakan sa mga dayuhan na nakikihimanwa sa saindo, o ipabakal sa ibang mga dayuhan. “Dai nindo paglutoon an ogbon na karnero o kanding sa gatas nin saiyang ina.

Deuteronomio 26:10

Kaya ngunyan, dinadara ko sa Kagurangnan an mga enot na bunga kan mga tinanom sa daga na itinao niya sako.’ “Pakasabi kaiyan, ibugtak nindo an basket sa atubang kan altar, dangan magsamba kamo sa Kagurangnan.

Deuteronomio 26:2

an lambang saro saindo magkua kan enot na mga bunga kan saindong mga tinanom, ilaog nindo sa sarong basket, dangan darahon sa lugar na pagsasambahan sa Kagurangnan.

Santiago 1:18

Sa kabotan niya linalang niya kita sa paagi kan tataramon nin katotoohan, tanganing kita an magin orog sa gabos niyang linalang.