Exodo 34:25 - Marahay na Bareta Biblia

²⁵ “An hayop na iaatang nindo sako dai nindo pag-ibahan nin tinapay na igwa nin lebadura. An hayop na binuno nindo sa Pyesta nin Paskwa, dai nindo pagpaagahan.

Exodo 34:25 ပူးပေါင်းရင်းမြစ်များ

Exodo 12:10

Kaipuhan mayo nin matada kaiyan na maagahan pa; kun igwa, dapat na tutongon.

Exodo 12:8

Sa bangging iyan, iihawon an binunong hayop dangan kakakanon kaiba an mapait na gulay asin an tinapay na mayo nin lebadura.

Exodo 23:18

“An hayop na iaatang nindo sako dai nindo pag-ibahan nin tinapay na igwa nin lebadura o pagpaagahan an taba kan hayop na para sa pyesta.

Exodo 29:34

Kun may natada pang karne o tinapay kinaagahan, dai ini pagkakanon kundi suloon huli ta ini banal.

Levitico 2:11

Dai nanggad kamo magdara nin dolot na pagkakan sa Kagurangnan na may lebadura; dai kamo maggamit nin lebadura o dugos sa saindong mga dolot na pagkakan para sa Kagurangnan.

Levitico 7:15

An karne kan hayop kaipuhan na kakanon sa aldaw na idinolot iyan; dai magtada kaiyan para sa masunod na aldaw.

Mga Bilang 9:12

Dai kamo magtada nin pagkakan para sa masunod na aldaw, asin dai nindo pagbarian nin tolang an kordero. Selebraron nindo an Paskwa sosog sa gabos na pagsusundon.

Mateo 13:33

Nag-istorya pa si Jesus nin saro pang parabola, “An Kahadean nin langit garo lebadurang isinalak nin sarong babae sa tolong litro nin arina sagkod na nag-usbog an bilog na minasa.”

Deuteronomio 16:3

Sa pagkakan nindo kaiyan, dai kamo mag-andam nin tinapay na igwa nin lebadura. Sa laog nin pitong aldaw, magkakan kamo nin tinapay na mayo nin lebadura, siring kan ginibo nindo kan hidali kamong maghale sa Egipto. Kakanon nindo an tinapay na iyan, na aapodon tinapay nin kasakitan, tanganing sa bilog nindong pagkabuhay magiromdoman nindo an aldaw kan paghale nindo duman sa Egipto.

Deuteronomio 16:4

Sa laog nin pitong aldaw, kaipuhan mayong mahiling na lebadura sa harong nin siisay man sa saindong daga; an karne kan hayop na binuno sa banggi kan enot na aldaw, kaipuhan kakanon gabos sa mismong bangging iyan.