Exodo 34:21 - Marahay na Bareta Biblia

²¹ “Magtrabaho kamo sa laog nin anom na aldaw, alagad magpahingalo kamo sa ikapitong aldaw; magpahingalo kamo maski sa panahon nin pag-arado o nin pag-ani.

Exodo 34:21 ပူးပေါင်းရင်းမြစ်များ

Genesis 45:6

Ikaduwang taon pa sana ini kan grabeng gutom sa daga; limang taon pa nin pagtios an maabot na mayo nin pag-aarado o pag-aani.

Nehemias 13:15

Kan mga aldaw na idto, nakahiling ako nin mga tawo na nagtatrabaho sa pugaan nin ubas sa aldaw na Sabbath. An iba nagdadara nin mga trigo, arak, ubas, higera, asin iba pang mga bagay na ilinulunad ninda sa mga asno dangan dinadara sa Jerusalem. Pinatanidan ko sinda na dai magpabakal nin anoman kun Sabbath.

Exodo 23:12

“Magtrabaho kamo sa laog nin anom na aldaw alagad sa ikapitong aldaw magpahingalo kamo, tanganing makapahingalo man an saindong mga oripon saka an mga dayuhan, dangan mahingaloan man an saindong mga hayop.

Exodo 31:15

Igwa kamong anom na aldaw sa pagtrabaho, alagad an ikapitong aldaw sarong aldaw nin solemning pahingalo, banal para sako. Gagadanon an siisay man na magtrabaho sa aldaw na iyan.

Exodo 35:2

Gibohon nindo an gabos nindong trabaho sa laog nin anom na aldaw, alagad sa ikapitong aldaw magkakaigwa kamo nin sarong Sabbath nin solemning pahingalo para sa Kagurangnan. Gagadanon an siisay man na magtrabaho sa aldaw na iyan.

Isaias 30:24

An mga baka saka mga asno na saindong ipinag-aarado kan saindong mga oma, magkakakan kan pinakamarahay na kakanon.

Levitico 23:3

Magtrabaho kamo sa laog nin anom na aldaw, alagad an ikapitong aldaw iyo an Sabbath nin solemning pahingalo, sarong banal na pagtiripon; dai kamo magtrabaho. Saen man kamo mag-erok, giromdomon nindong an aldaw na iyan sarong Sabbath para sa Kagurangnan.

Lukas 13:14

Alagad naanggot an opisyal kan sinagoga huli ta nagbolong si Jesus sa aldaw na Sabbath. Kaya nagtaram sa mga tawo an opisyal, “Igwa nin anom na aldaw na kita dapat magtrabaho, kaya sa mga aldaw na iyan kamo magdigdi sa pagpabolong, bakong sa aldaw na Sabbath!”

Lukas 23:56

Pakatapos, nagpuli sinda dangan nag-andam nin mga pahamot saka mga panlahid para sa bangkay. Nagpahingalo sinda kan aldaw na Sabbath, sosog sa Katogonan.

Deuteronomio 21:4

Dadarahon ninda an baka sa sarong lugar na dai pa inarado o tinanoman, harani sa sarong burabod na dai naghuhubas an tubig, asin duman ninda babarion an liog kan hayop.

1 Samuel 8:12

An iba sainda gigibohon niyang mga opisyal nin sangribo katawo, saka an iba mga opisyal nin singkwenta katawo. An iba gigibohon niyang mga paraarado saka paraani; an iba magigin paragibo nin mga armas sa gera, asin mga kagamitan para sa saiyang mga karwahe.