Exodo 34:18 - Marahay na Bareta Biblia

¹⁸ “Selebraron nindo an Pyesta kan Tinapay na Mayo nin Lebadura. Siring sa ipinagboot ko saindo, pitong aldaw kamong magkakan nin tinapay na mayo nin lebadura sa bulan nin Abib, huli ta ini an bulan kan paghale nindo sa Egipto.

Exodo 34:18 ပူးပေါင်းရင်းမြစ်များ

Exodo 12:2

“An bulan na ini iyo an magigin enot na bulan kan taon para sa saindo.

Exodo 12:42

An bangging idto iyo an banggi nin pagbantay kan Kagurangnan tanganing iluwas sinda sa Egipto; kaya an bangging idto sarong banggi nin pagbantay na itinalaan para sa Kagurangnan kan banwaan nin Israel sagkod pa man.

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:4

Naghahale kamo sa Egipto sa aldaw na ini, sa enot na bulan, an bulan nin Abib.

Exodo 23:14

“Sa laog nin sarong taon, tolong beses na maselebrar kamo nin pyesta para sako.

Exodo 23:15

Selebraron nindo an Pyesta nin Tinapay na Mayo nin Lebadura. Siring sa ipinagboot ko saindo, pitong aldaw kamong dai magkakan nin tinapay na igwa nin lebadura sa bulan nin Abib, huli ta ini an bulan kan paghale nindo sa Egipto. Dai nin siisay man na magdolok sako na mayong darang dolot.

Levitico 23:6

Sa ikakinseng aldaw, mapoon an Pyesta kan Tinapay na Mayo nin Lebadura para sa Kagurangnan. Sa masunod na pitong aldaw, tinapay na mayo nin lebadura an saindong kakakanon.

Mga Bilang 28:16

Selebraron nindo an Paskwa nin Kagurangnan sa ikakatorseng aldaw kan enot na bulan.

Mga Bilang 28:17

Mapoon an pyesta sa ikakinseng aldaw asin mapadagos sa laog nin pitong aldaw; sa mga aldaw na iyan, kakanon nindo an tinapay na mayo nin lebadura.

Markos 14:1

Duwang aldaw na sana bago an kapyestahan kan Paskwa asin kan Tinapay na Mayo nin Lebadura. Naghanap nin paagi an mga poon na padi saka an mga paratukdo kan Katogonan kun paano ninda hilom na ikapadakop si Jesus asin ikapagadan.

Lukas 22:1

Madali na an Pyesta kan Tinapay na Mayo nin Lebadura na inaapod Paskwa.

Mga Gibo 12:3

Kan mahiling niya na ikinaogma ini kan mga Judio, ipinadakop man niya si Pedro. (Nangyari ini kan Pyesta nin Tinapay na Mayo nin Lebadura.)