Exodo 34:16 - Marahay na Bareta Biblia

¹⁶ dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

Exodo 34:16 ပူးပေါင်းရင်းမြစ်များ

Genesis 24:3

Isumpa mo sa ngaran nin Kagurangnan, an Dios kan langit asin daga, na an sakong aki dai mo ikukua nin agom na gikan sa Canaan na pinakikihimanwahan ko.

1 Mga Hade 11:1

Namoot si Solomon sa dakul na babaeng dayuhan. Pwera sa aking babae kan hade nin Egipto, nag-agom pa siya nin mga babaeng Moabita, Ammonita, Edomita, Sidoneo, asin Heteo.

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

2 Mga Cronica 21:11

Laen pa kaiyan nagbugtak siya nin paganong mga lugar na pagsasambahan sa kabubuldan nin Juda dangan pinangenotan an mga banwaan nin Juda asin nin Jerusalem sa pagsombikal sa Kagurangnan.

Esdras 9:12

Kaya dai nindo ipagpaagom an saindong mga aking babae sa mga aki ninda, asin an saindong mga aking lalaki dai nindo pagpaagomon sa mga aki ninda. Dai nindo sinda pagtabangan na mag-uswag tanganing kumosog kamo saka magkakan kan bunga kan daga dangan ikapamana nindo iyan sa saindong mga aki sagkod pa man.’

Esdras 9:2

An mga Judio nag-agom nin mga dayuhan na babae, kaya nadigtaan an banal na banwaan nin Dios. An mga lider saka an mga opisyal iyo an nangenot sa pagkasala.”

Nehemias 10:30

Dai kami makikipag-agoman sa mga dayuhan na nag-eerok sa samong daga.

Nehemias 10:31

Kun an mga dayuhan magdara nin trigo o anoman na ipapabakal sa aldaw nin Sabbath o sa arin man na banal na aldaw, dai kami mabakal sainda. Sa lambang ikapitong taon, dai mi tatanoman an samong mga oma, asin paparaon mi an gabos na utang samo.

Nehemias 13:23

Kan mga aldaw na idto, naaraman ko na dakul sa mga Judio an nag-agom nin mga babaeng taga Asdod, Ammon, asin Moab.

Nehemias 13:25

Sinagwe ko sinda, pinatakot nin mga maldisyon, hinampak asin rinabnotan nin buhok. Dangan pinasumpa ko sinda sa ngaran nin Dios na dai ninda ipagpaagom asin pagpaagomon sa mga dayuhan an saindang mga aki.

Salmo 106:39

Nagin maati sinda huli kan saindang mga gibo, asin nagtalikod sinda sa Dios.

Oseas 1:2

Kan an Kagurangnan enot na magtaram sa Israel sa paagi ni Oseas, sinabihan niya ini, “Lakaw dangan mag-agom ka; an agom mo magigin bakong maimbod saimo, asin an mga aki mo magigin arog man saiya. Sa parehong paagi binayaan ako kan sakong banwaan asin dai sinda nagin maimbod sako.”

Levitico 21:15

tanganing dai madigtaan an saiyang mga aki sa tahaw kan saiyang banwaan; huli ta ako an Kagurangnan, asin ako an naglaen saiya bilang Halangkaw na Padi.”

Josue 23:12

Kun magtalikod kamo saiya asin makisumaro sa mga natatadang nasyon na iyan sa kaibahan nindo asin makipag-agoman sainda,

Josue 23:13

saboton nanggad nindo na dai na papahaleon nin Kagurangnan na saindong Dios an mga nasyon na iyan sa pagdangadang nindo. Alagad sinda magigin sarong siod saka sarong kalot para saindo, sarong makosog na panghampak sa saindong likod, sagkod mga tonok sa saindong mga mata. Dangan magdadanay iyan sagkod na mayo nang matada saindo digdi sa marahay na dagang itinao saindo nin Kagurangnan na saindong Dios.

Hukom 14:3

Naghapot an saiyang ama asin ina, “Mayo ka nang nakuang daraga sa satong pamilya o sa satong kamaganakan, kaya kaipuhan ka pang magduman sa mga bakong sirkomsisyonadong Filisteo tanganing magkua nin maaagom?” Alagad nagsimbag si Samson sa saiyang ama, “Siya an gusto ko kaya kuahon nindo siya para sako.”

Hukom 3:5

Kaya nag-erok sa daga an mga Israelita sa kaibahan kan mga Cananeo, Heteo, Amoreo, Perezeo, Heveo, asin Jebuseo.

Hukom 3:6

Nakipag-agoman sinda sa mga ini asin nagsamba kan saindang mga dios-dios.

Hukom 8:27

Guminibo si Gideon nin sarong bulawan na estatwa asin ibinugtak niya idto sa sadiri niyang banwa, sa Ofra. Tinalikodan an Dios kan mga Israelita asin sinamba ninda an estatwa. Iyo ini an nagin siod para ki Gideon asin kan saiyang pamilya.