Exodo 34:14 - Marahay na Bareta Biblia

¹⁴ “Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Exodo 34:14 ပူးပေါင်းရင်းမြစ်များ

1 Mga Hade 14:15

Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

Exodo 33:19

Nagsimbag an Kagurangnan, “Papaagihon ko sa atubang mo an gabos kong kamurawayan asin ipapahayag ko an banal kong ngaran. Ako iyo an Kagurangnan; kakaherakan ko an gusto ko, asin tatawan ko nin biyaya an mawilihan ko.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Ezekiel 23:25

Huli ta anggot ako saimo, tutugotan kong hukoman ka ninda sa saindang kaanggotan. Puputolon ninda an saimong dungo saka mga talinga dangan gagadanon ninda an saimong mga aki. Kukuahon ninda an saimong mga aking lalaki saka babae dangan susuloon na buhay.

Nahum 1:2

Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

1 Corinto 10:22

O tibaad boot nyatong mag-imon an Kagurangnan? Mas makosog daw kita saiya?

Deuteronomio 29:20

An siring na tawo dai nanggad papatawadon nin Kagurangnan; maglalaad laban sa saiya an bilog na kaanggotan saka pagkamaimon nin Kagurangnan, asin mapapasaiya an gabos na maldisyon na nasusurat sa librong ini, sagkod na mapara an saiyang ngaran sa ibabaw nin daga.

Deuteronomio 32:16

Pinapag-imon ninda an Kagurangnan kan saindang pagsamba sa mga dios-dios; pinaanggot siya ninda kan saindang marigsok na mga gibo.

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

Deuteronomio 4:24

huli ta an Kagurangnan na saindong Dios arog sa kalayong nakakatutong, sarong maimon na Dios.

Deuteronomio 5:24

dangan nagsabi, ‘Ipinahiling sato nin Kagurangnan na satuyang Dios an saiyang kadakulaan asin kamurawayan kan nadangog ta siyang magtaram hale sa kalayo! Satuyang nahiling ngunyan na aldaw na an Dios nagtaram sa tawo asin an tawo padagos na nabuhay.

Deuteronomio 5:7

“‘Dai kamo nin ibang dios na sasambahon kundi ako sana.

Deuteronomio 6:15

Kun magsamba kamo sa mga dios-dios, malaad saindo an kaanggotan nin Kagurangnan asin tutunawon niya kamo, huli ta an Kagurangnan na nasa kaibahan nindo, sarong maimon na Dios.

Josue 24:19

Nagsabi si Josue sa mga Tawo, “Alagad tibaad dai kamo makapaglingkod sa Kagurangnan. Siya sarong Dios na banal; sarong maimon na Dios. Dai niya mapapatawad an saindong mga kasalan asin kasombikalan.

Hukom 6:10

Tinaraman ko kamo na ako an Kagurangnan na saindong Dios, asin na dai kamo magsamba sa mga dios-dios kan mga Amoreo na dating kagsadiri kan dagang pinag-eerokan nindo ngunyan. Alagad dai kamo nagdangog sako.”