Exodo 34:13 - Marahay na Bareta Biblia

¹³ Gabaon nindo an saindang mga altar, rumpagon an saindang mga sagradong harigi asin palodon an mga simbolo kan saindang diosang si Asera.

Exodo 34:13 ပူးပေါင်းရင်းမြစ်များ

1 Mga Hade 14:15

Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

2 Mga Hade 10:27

Kaya rinaot ninda an harigi ni Baal saka an templo. An templo ginibo nindang kasilyasan sagkod ngunyan.

2 Mga Hade 18:4

Ginaba niya an paganong mga lugar na pagsasambahan, rinonot an mga gapong harigi asin pinalod an mga ladawan kan diosang si Asera. Rinonot man niya an bronseng halas na ginibo ni Moises, huli ta sagkod kan panahon na idto nagtututong pa nin insenso an mga Israelita sa pag-omaw sa bronseng halas; ini inapod na Nehustan.

2 Mga Hade 23:14

Ipinaronot ni Hadeng Josias an mga gapong harigi, ipinapalod an mga tanda kan diosa na si Asera, asin an dating namugtakan kan mga ini pinatambakan niya kan mga tolang nin tawo.

2 Mga Cronica 14:3

Hinale niya an dayuhan na mga altar asin paganong mga lugar na pagsasambahan, rinumpag an mga harigi saka mga simbolo kan diosang si Asera.

2 Mga Cronica 15:16

Maski si Maaca na saiyang lola hinale ni Asa bilang inang-reyna, huli ta naggibo ini nin sarong makauuyam na imahen ni Asera. Pinutol ni Asa an imahen, rinonot, dangan sinulo sa may Sapa nin Kidron.

2 Mga Cronica 17:6

Ipinag-orgulyo niya an paglingkod sa Kagurangnan asin hinale niya sa Juda an paganong mga lugar na pagsasambahan saka an mga simbolo kan diosang si Asera.

2 Mga Cronica 24:18

Kaya an mga tawo nag-ontok sa pagsamba sa Templo nin Kagurangnan, an Dios kan saindang mga ginikanan, dangan nagpoon sa pagsamba sa mga dios-dios asin sa mga ladawan kan diosang si Asera. An kagabatan kan saindang kasalan an nagin dahelan kan pagdatong kan kaanggotan nin Dios sa Juda saka sa Jerusalem.

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

Exodo 23:24

Dai kamo magduko o magsamba sa saindang mga dios-dios, o mag-arog kan saindang mga ginigibo. Raoton nindo an saindang mga dios-dios asin gabaon nindo an saindang mga banal na hariging gapo.

Isaias 17:8

Dai na sinda magsasarig sa mga altar na saindang ginibo, o magsasarig sa gibo nin saindang kamot—mga simbolo kan diosang si Asera saka mga altar nin insenso.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Jeremias 17:2

Ginigiromdom kan saindong mga aki an mga altar asin an mga tanda na pinatindog para sa diosang si Asera, sa kataed nin lambang berdeng kahoy, asin sa ibabaw nin haralangkaw na bulod,

Mikas 5:14

Tutumbahon ko an mga ladawan kan diosang si Asera sa saindong daga asin gagabaon ko an saindong mga syudad.

Mga Bilang 33:52

pahaleon nanggad nindo an gabos na nag-eerok sa daga. Raoton nindo an gabos nindang ladawan na gibo sa gapo saka sa metal. Gabaon man nindo an gabos nindang lugar na pinagsasambahan.

Deuteronomio 16:21

“Kun maggibo kamo nin altar para sa Kagurangnan na saindong Dios, dai kamo magpatindog nin kahoy na tanda kan diosang si Asera sa kataed kaiyan.

Deuteronomio 16:22

Dai kamo magpatindog nin ano man na hariging gapo na ikinakaongis nin Kagurangnan.

Deuteronomio 7:5

Kaya gabaon nindo an saindang mga altar, rumpagon an saindang mga hariging gapo, palodon an saindang mga simbolo kan saindang diosa na si Asera asin suloon nindo an gabos nindang ladawan.

Hukom 2:2

Dai kamo makipagtipan sa mga tawong nag-eerok sa dagang ini. Gabaon nindo an saindang mga altar.’ Alagad ano ining ginibo nindo? Dai nindo kinuyog an sakong pagboot!

Hukom 6:25

Kan bangging idto, tinaraman nin Kagurangnan si Gideon, “Kuahon mo an toro kan saimong ama asin saro pang toro na pitong taon an edad dangan gabaon mo an altar na ginibo kan saimong ama para ki Baal asin palodon mo man an simbolo kan diosang si Asera na nasa kataed kaiyan.

Hukom 6:26

Pakatapos, magtugdok ka sa kagapoan na ini nin sarong matibay na altar para sa Kagurangnan na saimong Dios. Dangan tutongon mong bilog an ikaduwang toro bilang atang. An simbolo ni Asera na saimong pinalod iyo an gamiton mong igatong.”