Exodo 34:1 - Marahay na Bareta Biblia

¹ Tinaraman nin Kagurangnan si Moises, “Magtabas ka nin duwang tablang gapo arog kan mga naenot asin isusurat ko diyan an mga tataramon na isinurat ko sa naenot na mga tablang gapo na binaraak mo.

Exodo 34:1 ပူးပေါင်းရင်းမြစ်များ

Salmo 119:89

An saimong tataramon, Kagurangnan, nagdadanay sagkod lamang sa kalangitan.

Exodo 24:12

Nagtaram an Kagurangnan ki Moises, “Tumukad ka sa bukid pasiring sako asin maghalat ka huli ta itatao ko saimo an duwang tablang gapo na sinuratan ko kan mga togon asin kan mga pagboot na itutukdo mo sa mga tawo.”

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 32:16

An Dios mismo an naggibo kan tablang gapo asin nag-ukit kan mga togon.

Exodo 32:19

Kan harani na sinda sa kampo, nahiling ni Moises an baka asin an pagbabarayle kan mga tawo. Huli kaini, nagsulwak an kaanggotan ni Moises asin ipinusak niya sa pamitisan kan bukid an dara niyang mga tablang gapo asin nagkabaraak an mga ini.

Exodo 34:28

Nagdanay si Moises sa kaibahan nin Kagurangnan sa laog nin kwarentang aldaw asin kwarentang banggi; dai siya nagkakan o nag-inom. Isinurat niya sa duwang tablang gapo an mga tataramon kan tipan—an Sampolong Togon.

Exodo 34:4

Kaya nagtabas si Moises nin duwang tablang gapo arog kan mga naenot asin pagkaagang amay dinara niya an mga ini sa alitoktok kan Bukid nin Sinai siring sa pagboot nin Kagurangnan.

Jeremias 36:32

Dangan nagkua ako nin ibang suratan saka itinao ko sa sakong sekretaryo na si Baruc, dangan isinurat niya an gabos na sinabi ko saiya. Isinurat niya an gabos na nasa enot na kasuratan asin an parehong mga mensahe na idinikta ko saiya.

Deuteronomio 4:13

Ipinahayag niya saindo an saiyang tipan, na ipinagboot niyang otobon nindo, an Sampolong Togon na isinurat niya sa duwang tablang gapo.