Exodo 33:9 - Marahay na Bareta Biblia

⁹ Pakalaog ni Moises, minahilig an hariging panganoron asin minaontok sa may pintoan kan tolda, dangan nakikipag-olay an Kagurangnan ki Moises.

Exodo 33:9 ပူးပေါင်းရင်းမြစ်များ

Genesis 17:22

Pakataram kaini, binayaan nin Dios si Abraham.

Genesis 18:33

Naghale na an Kagurangnan pakatapos niyang magtaram ki Abraham; nagpuli man si Abraham sa saiyang harong.

Salmo 99:7

Nagtaram siya sainda hale sa hariging panganoron; kinuyog ninda an mga togon saka pagboot na itinao niya sainda.

Exodo 25:22

Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 33:10

Sa oras na mahiling kan mga tawo na an hariging panganoron nasa may pintoan na kan toldang pinagtatagboan, minaduruko sinda gabos sa pagsamba.

Exodo 33:11

Parating hampangan kun makipag-olay an Kagurangnan ki Moises, siring sa sarong tawo na nakikiolay sa saiyang katood. Pakatapos, minabalik na sa kampo si Moises alagad nawawalat sa toldang pinagtatagboan an saiyang hoben na katabang, si Josue, na aki ni Nun.

Exodo 33:8

Kun minaduman si Moises sa tolda, an gabos na tawo minatirindog sa may pintoan kan saindang mga tolda asin tinatanaw ninda si Moises sagkod na makalaog siya sa toldang pinagtatagboan.

Exodo 34:3

Dai ka mag-iba nin siisay man sa pagtukad mo; mayo nanggad nin mahiling na tawo sa arin man na parte kan bukid, asin mayo nanggad nin magsabsab na hayop sa pamitisan kan bukid.”

Exodo 34:5

Naghilig an Kagurangnan sa sarong panganoron, nagtindog sa kaibahan niya duman, asin nagpahayag kan saiyang banal na ngaran, an Kagurangnan.

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Ezekiel 3:22

Namatean ko an mapangyaring presensya nin Kagurangnan dangan nadangog ko siyang nagtataram sako, “Tumindog ka asin magduman ka sa kapantayan; duman ako makikiolay saimo.”

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Mga Bilang 7:89

Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.

Deuteronomio 31:14

Dangan tinaraman nin Kagurangnan si Moises, “Madali ka nang magadan. Apodon mo si Josue asin darahon mo siya sa Tabernakulo tanganing sakuyang sugoon.” Naglaog sa Tabernakulo si Moises saka si Josue,

Deuteronomio 31:15

asin nagpahiling sainda an Kagurangnan sa sarong hariging panganoron na nagtitindog sa may pintoan kan Tabernakulo.