Exodo 33:6 - Marahay na Bareta Biblia

⁶ Kaya magpoon sa Bukid nin Sinai, dai na nagsulot nin mga alahas an mga Israelita.

Exodo 33:6 ပူးပေါင်းရင်းမြစ်များ

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Exodo 32:3

Kaya tinanggal kan gabos na tawo an saindang mga hikaw na bulawan asin dinara ki Aaron.

Exodo 33:4

Kan madangog ini kan mga Israelita, nagmondo sinda asin mayo nang nagsulot nin mga alahas.

Exodo 33:5

Huli ta ipinagboot nin Kagurangnan ki Moises na sabihan an mga Israelita, “Saro kamong banwaan na matagas an payo. Kun mag-iba ako saindo maski dikit sanang panahon, tutunawon ko kamo. Kaya halea nindo ngunyan an saindong mga alahas, asin madesisyon ako kun ano an gigibohon ko sa saindo.”

Exodo 33:7

Ugale na ni Moises na kuahon an tolda asin patindogon sa sarong lugar na harayo sa luwas kan kampo; ini inapod niyang toldang pinagtatagboan. An siisay man na boot makihumapot sa Kagurangnan minaduman sa toldang pinagtatagboan na nasa luwas kan kampo.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jonas 3:5

Nagtubod sa mensahe nin Dios an mga taga Nineve. Kaya nagkasararo sinda na mag-ayuno, asin an gabos naggubing nin sako sa pagpahiling kan saindang pagsolsol.