Exodo 33:5 - Marahay na Bareta Biblia

⁵ Huli ta ipinagboot nin Kagurangnan ki Moises na sabihan an mga Israelita, “Saro kamong banwaan na matagas an payo. Kun mag-iba ako saindo maski dikit sanang panahon, tutunawon ko kamo. Kaya halea nindo ngunyan an saindong mga alahas, asin madesisyon ako kun ano an gigibohon ko sa saindo.”

Exodo 33:5 ပူးပေါင်းရင်းမြစ်များ

Genesis 18:21

Kaipuhan magduman ako tanganing maaraman ko kun totoo o bako an mga sumbong na nadangog ko.”

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

An Libro ni Job 34:20

Pwede sanang magadan nin hidali kun banggi an sarong tawo. Hahampakon nin Dios an mga tawo dangan nawawara sinda; mayo nin kapagalan na ginagadan niya an mga mapangyari.

Salmo 139:23

Siyasata ako, O Dios, asin midbida an sakong puso; baloa ako asin midbida an mga kaisipan ko.

Salmo 73:19

Tolos sinda nagkagaradan; mangirhat an saindang nagin kataposan.

Exodo 32:9

Nagtaram pa an Kagurangnan ki Moises, “Nahiling ko na matagas an payo kan mga tawong ini.

Exodo 33:6

Kaya magpoon sa Bukid nin Sinai, dai na nagsulot nin mga alahas an mga Israelita.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Mga Panambitan 4:6

Mas orog an padusa sa sakong banwaan ki sa padusa sa mga taga Sodoma, na bigla sanang buminagsak huli kan kapangyarihan nin Dios.

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Mga Bilang 16:21

“Humarayo kamo sa mga tawong ini tanganing matunaw ko sinda tolos.”

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.