Exodo 33:4 - Marahay na Bareta Biblia

⁴ Kan madangog ini kan mga Israelita, nagmondo sinda asin mayo nang nagsulot nin mga alahas.

Exodo 33:4 ပူးပေါင်းရင်းမြစ်များ

2 Samuel 19:24

Naglugsot si Mefiboset na makoapo ni Saul tanganing sabaton an hade. Dai niya hinugasan an saiyang bitis, ni pinutolan an saiyang barabas o linabahan an saiyang gubing magpoon kan maghale an hade sa Jerusalem sagkod na magbalik ini na mapanggana.

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

2 Mga Hade 19:1

Kan madangog ini ni Hadeng Ezekias, ginisi niya an saiyang gubing, nagsulot siya nin sako, asin nagduman sa Templo nin Kagurangnan.

Esdras 9:3

Kan madangog ko ini, ginisi ko an sakong gubing saka alikboy, rinabnot an sakong buhok saka barabas, asin mamondo akong nagtukaw.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

Exodo 33:6

Kaya magpoon sa Bukid nin Sinai, dai na nagsulot nin mga alahas an mga Israelita.

Isaias 32:11

Namuhay kamo nin matiwasay asin mayo nin mga kahaditan; alagad pagtakig kamo sa takot! Hubaa nindo an saindong mga gubing, asin pagsulot kamo nin sako.

Ezekiel 24:17

Mag-agrangay ka, alagad dai dapat madangog iyan; dai ka nanggad magpahiling na ika nagmomondo. Dai ka mag-aris nin buhok ni magtangkas kan sandalyas. Dai mo pagtahoban an saimong lalawogon o magkakan kan kakanon nin mga nagmomondo.”

Ezekiel 24:23

Dai nindo aarison an saindong buhok, ni tatangkason an saindong sandalyas; dai kamo magmomondo o maghihibi. Manluluya kamo huli kan saindong mga kasalan asin mag-aagrangay kamo sa lambang saro.

Ezekiel 26:16

An gabos na hade kan mga nasyon na nasa tampi kan dagat mababa sa saindang mga trono. Huhubaon ninda an saindang mga gubing, asin hahaleon an mga binurdahan nindang mga gubing, dangan nagtatakig na matukaw sa daga. Matatakot nanggad sinda sa nangyayari saindo, kaya dai maontok an saindang pagtakig.

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Levitico 10:6

Sinabihan ni Moises si Aaron asin an mga aki kaining si Eleazar saka si Itamar, “Dai nindo pagpabayaan na dai masukray an saindong buhok asin dai nindo paggision an saindong mga gubing sa pagpahiling na kamo nagmomondo. Kun gibohon nindo iyan, magagadan kamo asin maaanggot an Kagurangnan sa bilog na banwaan. Alagad tinutugotan an kapwa nindo Israelita na ipagmondo an kagadanan na ini huli sa ipinadarang kalayo nin Kagurangnan.

Jonas 3:6

Kan an baretang ini nakaabot sa hade nin Nineve, naghale siya sa natutukawan niyang trono, hinuba an saiyang gubing dangan nagsulot nin sako asin nagtukaw sa abo.

Zacarias 7:3

saka maghapot sa mga padi asin sa mga propeta: “Dapat daw na ipadagos mi an pagmondo huli kan pagkagaba kan Templo, sa paagi nin pag-ayuno sa ikalimang bulan siring kan samong ginigibo sa laog nin haloy nang panahon?”

Zacarias 7:5

Nagsabi siya, “Taraman mo an mga tawo asin an mga padi na kan nag-ayuno saka nagmondo sinda sa ikalima saka ikapitong bulan sa laog nin setentang taon, bakong ako an saindang tinawan nin onra.

Mga Bilang 14:1

Mag-agang nagtangis an bilog na komunidad nin Israel.

Mga Bilang 14:39

Kan ipahayag ni Moises sa mga Israelita an itinaram nin Kagurangnan, namondo sinda nin makuri.

1 Samuel 6:19

Ginadan nin Kagurangnan an setenta sa kalalakihan kan Bet-semes huli ta naghiling sinda sa laog kan Kaban nin Tipan. Nagmorondo an mga tawo duman huli ta dakul sainda an ginadan nin Kagurangnan.