Exodo 33:18 - Marahay na Bareta Biblia

¹⁸ Dangan nagsabi si Moises, “Nakikimaherak ako na ipahiling mo sako an saimong kamurawayan.”

Exodo 33:18 ပူးပေါင်းရင်းမြစ်များ

Salmo 4:6

Dakul an nagsasabi, “Makahiling logod kami nin mga karahayan! Hilinga kami na may pagkaherak, O Kagurangnan!”

Salmo 63:3

Huli ta mas marahay pa ki sa buhay an danay mong pagkamoot, kaya oomawon ka kan sakong ngoso.

Exodo 33:20

Alagad dai ko saimo ipapahiling an sakong lalawogon huli ta mayo nin tawong pwedeng makahiling sako dangan padagos na mabuhay.

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

1 Timoteo 6:16

Siya sana an mayong kagadanan; nabubuhay siya sa liwanag na mayo nin siisay man na makakadolok. Dai pa siya nahiling; dai siya nanggad mahihiling nin siisay man. Saiya an kaomawan asin an kapangyarihan na daing kataposan! Amen.

Tito 2:13

mantang naghahalat kita kan paladan na Aldaw na satong linalaom, an pag-abot kan kamurawayan kan satong dakulang Dios asin Paraligtas na si Jesu-Cristo.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.