Exodo 33:13 - Marahay na Bareta Biblia

¹³ Kaya ngunyan, kun totoong nawiwilihan mo ako, pahilingan sako an saimong mga plano, tanganing mamidbid taka asin padagos na mawilihan mo ako. Giromdoma man na pinili mo an banwaan na ini para saimo.”

Exodo 33:13 ပူးပေါင်းရင်းမြစ်များ

2 Samuel 15:25

Dangan sinabihan kan hade si Zadok, “Ibalik nindo an Kaban nin Tipan sa syudad. Kun nawiwilihan ako nin Kagurangnan, tutugotan niya akong makabalik tanganing mahiling ko iyan giraray asin an lugar na namumugtakan kaiyan.

Salmo 103:7

An saiyang mga plano ipinahayag niya ki Moises; an saiyang mga gibo sa banwaan nin Israel.

Salmo 119:33

Tukdoan sako, Kagurangnan, an kahulogan kan saimong mga katogonan, asin ootobon ko iyan sagkod sa kataposan.

Salmo 25:4

Kagurangnan, tukdoan sako an saimong mga dalan; tukdoan sako an saimong mga agihan.

Salmo 27:11

Tukdoan sako, Kagurangnan, an saimong dalan, asin pangenote ako sa tamang agihan, huli ta dakul an sakong mga kaiwal.

Salmo 51:13

Dangan itutukdo ko sa mga parakasala an saimong mga dalan, asin mabalik saimo an mga makasalan.

Salmo 86:11

Kagurangnan, itukdo mo sako an saimong dalan, tanganing maglakaw ako sa saimong katotoohan, bilog na pusong matakot sa saimong ngaran.

Exodo 3:10

Ngunyan susugoon taka sa hade tanganing ikaluwas mo sa Egipto an mga Israelita na sakong banwaan.”

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Exodo 32:12

Tadaw ta tatawan mo nin dahelan an mga Egipcio na magsabi na hinale mo sa Egipto an mga Israelita tanganing gadanon sa kabukidan asin paraon sa daga? Dai ka na maanggot sa sainda; hare na pagdagosa an saimong iniisip na pagtunaw sa saimong banwaan.

Exodo 32:14

Kaya dai idinagos nin Kagurangnan an saiyang kaisipan na pagtunaw sa saiyang banwaan.

Exodo 32:7

Nagtaram an Kagurangnan ki Moises, “Humilig ka tolos, huli ta an saimong banwaan, na ilinuwas mo sa Egipto, nagin maraot asin nagkasala.

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Exodo 5:1

Pakatapos, nagduman si Moises asin si Aaron sa hade nin Egipto asin nagsabi, “Nagtaram an Kagurangnan, an Dios kan Israel, ‘Tugoteng humale an sakong banwaan tanganing magpyesta sinda sa kalangtadan sa pag-omaw sako.’”

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 63:17

Tadaw ta itinugot mong maglagalag kami sa saimong mga dalan? Tadaw ta pinatagas mo an samong mga payo kun kaya nagtalikod kami saimo? Magbalik ka, huli na lamang sa mga tawong naglilingkod saimo, huli na lamang sa banwaan na danay na sadiri mo.

Isaias 63:19

Ibinilang mo kami siring sa mga tawong dai mo pinaghadean, siring sa bako mong banwaan.

Joel 2:17

An mga padi, na naglilingkod sa Kagurangnan sa pagultanan kan altar asin kan pintoan kan Templo, kaipuhan na magtangis saka magpamibi: “Maherak ka sa saimong banwaan, Kagurangnan. Hare pagtugote an ibang nasyon na pagngisihan kami dangan pag-olog-ologon sa pagsabing, ‘Haen an saindong Dios?’”

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Roma 11:28

Isinikwal kan mga Judio an Marahay na Bareta, kaya sinda nagin kaiwal nin Dios dahel sa saindo. Alagad namomotan sinda nin Dios huli sa mga ginikanan ninda na pinili niya.

Efeso 1:17

hinahagad ko sa Dios ni Jesu-Cristo na satong Kagurangnan, an mamurawayon na Ama, na itao saindo an espiritu nin kadonongan, tanganing masabotan nindo nin orog an kapahayagan dapit sa Dios.

Deuteronomio 9:26

Namibi ako, ‘O Kagurangnan Dios, hare pagtunawa an saimong sadiring banwaan na ilinigtas mo asin ilinuwas hale sa Egipto huli kan saimong dakulang kosog asin kapangyarihan.

Deuteronomio 9:29

Iyo baga ini an banwaan na saimong pinili bilang sadiri asin ilinuwas sa Egipto huli kan saimong dakulang kapangyarihan asin kosog.’

Colosas 1:10

Dangan makakapamuhay kamo nin maninigo sa Kagurangnan; danay na gigibohon nindo an ikinakaogma niya. An saindong buhay magbubunga nin gabos na gibong karahayan, orog na matalubo an saindong pakaaram dapit sa Dios.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.