Exodo 33:11 - Marahay na Bareta Biblia

¹¹ Parating hampangan kun makipag-olay an Kagurangnan ki Moises, siring sa sarong tawo na nakikiolay sa saiyang katood. Pakatapos, minabalik na sa kampo si Moises alagad nawawalat sa toldang pinagtatagboan an saiyang hoben na katabang, si Josue, na aki ni Nun.

Exodo 33:11 ပူးပေါင်းရင်းမြစ်များ

Genesis 32:30

Nagsabi si Jacob, “Nahiling ko an lalawogon nin Dios alagad buhay pa ako”; kaya an lugar nginaranan niyang Peniel.

2 Mga Cronica 20:7

Ika an samuyang Dios. Kan magdangadang sa dagang ini an Israel na saimong banwaan, pinahale mo an mga nag-eerok digdi asin itinao mo ini sa mga kapagarakian ni Abraham na saimong katood, tanganing masadirihan ninda sagkod pa man.

An Libro ni Job 16:21

Boot kong may makimaherak sa Dios para sako, siring sa sarong tawong nakikimaherak para sa saiyang katood.

Exodo 17:9

Sinabihan ni Moises si Josue, “Magpili ka nin mga lalaki asin labanan nindo an mga Amalekita. Sa aga, matindog ako sa ibabaw kan bulod na kapot an sugkod nin Dios.”

Exodo 24:13

Kaya nag-andam si Moises saka si Josue na saiyang katabang dangan nagpoon si Moises sa pagtukad sa bukid nin Dios.

Exodo 32:17

Kan madangog ni Josue an ribok kan nagkukurahaw na mga tawo, nagsabi siya ki Moises, “Nadadangog ko an kinurahaw nin gera sa kampo.”

Exodo 33:10

Sa oras na mahiling kan mga tawo na an hariging panganoron nasa may pintoan na kan toldang pinagtatagboan, minaduruko sinda gabos sa pagsamba.

Exodo 33:9

Pakalaog ni Moises, minahilig an hariging panganoron asin minaontok sa may pintoan kan tolda, dangan nakikipag-olay an Kagurangnan ki Moises.

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Mga Bilang 11:28

Huli kaini, nagsabi si Josue na aki ni Nun, asin katabang ni Moises magpoon kan siya hoben pa, “Kagurangnan kong Moises, paontokon mo sinda!”

Mga Bilang 12:7

Alagad bakong siring an ginigibo ko ki Moises na sakong sorogoon; siya an pinaniwalaan ko kan sakong banwaan.

Mga Bilang 12:8

Hampangan ko siyang kinakaolay, maliwanag kong itinataram saiya an gabos asin bako sa mga paokod; nahiling niya an sakong porma. Tadaw ta nangahas kamong magtaram laban sa sorogoon kong si Moises?”

Juan 11:11

Sinabihan pa sinda ni Jesus, “An katood tang si Lazaro natotorog. Maduman ako tanganing pukawon siya.”

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

Deuteronomio 31:14

Dangan tinaraman nin Kagurangnan si Moises, “Madali ka nang magadan. Apodon mo si Josue asin darahon mo siya sa Tabernakulo tanganing sakuyang sugoon.” Naglaog sa Tabernakulo si Moises saka si Josue,

Deuteronomio 34:10

Mayong propeta na makakaarog ki Moises sa bilog na Israel; hampangan na nagtaram saiya an Kagurangnan.

Deuteronomio 5:4

Duman sa bukid, hampangan na nagtaram saindo an Kagurangnan hale sa naglalaad na kalayo.

Santiago 2:23

Kaya naotob an kasuratan na nagsabi, “Si Abraham nagtubod sa Dios; huli kan saiyang pagtubod ibinilang siyang matanos nin Dios.” Kaya inapod si Abraham na katood nin Dios.