Exodo 32:5 - Marahay na Bareta Biblia

⁵ Kan mahiling ini ni Aaron, nagtugdok siya nin altar sa atubangan kan bulawan na baka dangan nagpahayag, “Sa aga magkakaigwa kita nin pyesta para sa Kagurangnan.”

Exodo 32:5 ပူးပေါင်းရင်းမြစ်များ

1 Mga Hade 21:9

Siring kaini an sabi niya sa surat: “Ipagboot nindo an sarong aldaw nin pag-ayuno. Tiponon nindo an mga tawo asin itao nindo ki Nabot an pangenot na tukawan.

2 Mga Hade 10:20

Dangan nagboot si Jehu, “Italaan nindo an sarong aldaw nin pagsamba sa pag-omaw ki Baal!” Nagtalaan sinda,

2 Mga Hade 16:11

Naggibo si Urias nin altar na pareho nanggad kan ladawan, asin tinapos niya an altar bago nagbalik si Ahaz.

2 Mga Cronica 30:5

kaya inalok ninda an gabos na Israelita, poon sa Beer-sheba sagkod sa Dan, tanganing magtiripon sa Jerusalem sa pagselebrar kan Paskwa huli ta dai pa ninda ini pinagselebrar na igwa nin dakulang katiriponan sosog sa hinahagad kan Katogonan.

Exodo 10:9

Nagsimbag si Moises, “Gabos kami mahale—magpoon sa gurang sagkod sa aki, lalaki man o babae. Kaipuhan na darahon mi man an samong mga karnero, mga kanding saka mga baka, huli ta mapyesta kami para sa Kagurangnan.”

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 17:15

Nagpatindog nin altar si Moises asin inapod niya ining “An Kagurangnan iyo an sakong Bandera.”

Exodo 32:4

Kinua niya an mga hikaw asin tinunaw, dangan inula ini sa sarong hormahan asin naggibo siya nin sarong metal na baka. Nagsabi an mga tawo, “O Israel, iyo ini an satong dios na nagluwas sato sa Egipto!”

Exodo 32:6

Sunod na aldaw, nagmaratang amay an mga tawo asin nagdorolot nin mga tinutong na atang. Nagdarara man sinda nin mga atang para sa katoninongan. Nagturukaw sinda tanganing magkarakan asin mag-irinom; an saindang pyesta natapos sa bururatan asin dororogan.

Oseas 8:11

“Kan nagdakul an altar na itinugdok kan banwaan nin Israel para sa paghale nin kasalan, nagdakul man an mga lugar para sa saindang pagkasala!

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Levitico 23:2

“Sabihan mo an banwaan nin Israel na iyo ini an mga itinalaan na pyesta nin Kagurangnan, na ipapahayag ninda bilang mga banal na pagtiripon.

Levitico 23:21

Sa aldaw na iyan dai kamo magtatrabaho nin ano man kundi magkakaigwa kamo nin banal na pagtiripon. An pagsusundon na ini gigibohon kan saindong kapagarakian sa mga maabot na panahon, saen man sinda mag-erok.

Levitico 23:37

“An mga iyan iyo an itinalaan na mga pyesta nin Kagurangnan na saindong ipapahayag bilang mga panahon nin banal na pagtiripon para sa pagsamba, para sa pagdolot nin mga dolot na pagkakan, tinutong na atang, dolot kan enot na bunga kan saindong inani, mga sakripisyo asin mga dolot na arak, sa talaan na panahon kan pagdolot kaiyan sa aroaldaw.

Levitico 23:4

Ipahayag nindo an mga minasunod na pyesta sa talaan na panahon.

1 Corinto 5:8

Kaya selebraron nindo an satong Paskwa, sa paagi kan tinapay na mayo nin lebadura—an tinapay nin kalinigan saka katotoohan—bakong sa paagi kan tinapay na may daan na lebadura, na iyo an lebadura nin karatan saka karigsokan.

1 Samuel 14:35

Nagtugdok nin altar si Saul para sa Kagurangnan; iyo idto an enot na altar na saiyang ginibo.