Exodo 32:4 - Marahay na Bareta Biblia

⁴ Kinua niya an mga hikaw asin tinunaw, dangan inula ini sa sarong hormahan asin naggibo siya nin sarong metal na baka. Nagsabi an mga tawo, “O Israel, iyo ini an satong dios na nagluwas sato sa Egipto!”

Exodo 32:4 ပူးပေါင်းရင်းမြစ်များ

1 Mga Hade 12:28

Pakahorophoropa niya kaini, guminibo siya nin duwang bulawan na torong baka dangan sinabihan an saiyang banwaan, “Haloy na kamong nagpaparatukad sa Jerusalem tanganing magsamba. Banwaan nin Israel, uya an saindong mga dios na nagluwas saindo sa Egipto!”

1 Mga Hade 12:32

Nagselebrar man si Jeroboam nin sarong pyesta kan ikakinseng aldaw kan ikawalong bulan, siring kan pyesta sa Juda. Sa ibabaw kan altar duman sa Betel, nagdolot siya nin mga sakripisyo sa mga bulawan na baka na saiyang ginibo. Ibinugtak niya sa Betel an mga padi na naglilingkod sa mga altar na pagsasambahan na saiyang ginibo.

2 Mga Hade 10:20

Dangan nagboot si Jehu, “Italaan nindo an sarong aldaw nin pagsamba sa pag-omaw ki Baal!” Nagtalaan sinda,

2 Mga Hade 10:29

Alagad inarog niya an kasalan ni Hadeng Jeroboam, na nagpakasala sa Israel sa paagi nin pagsamba sa bulawan na mga toro na ibinugtak niya sa Betel saka sa Dan.

2 Mga Cronica 11:15

Si Jeroboam nagpili nin sadiri niyang mga padi tanganing maglingkod sa mga paganong lugar na pagsasambahan, magsamba sa mga demonyo asin mga ladawan nin baka na saiyang ginibo.

2 Mga Cronica 13:8

Ngunyan boot nindong magtumang sa kapangyarihan na itinao nin Kagurangnan sa mga aki ni David, huli ta dakul kamo asin dara nindo an mga bulawan na baka na ginibo ni Jeroboam tanganing magin dios-dios nindo.

Nehemias 9:18

Naggibo sinda nin sarong ladawan na baka asin nagsabi na iyo idto an dios na nagluwas sainda hale sa Egipto! Dakula an ginibo nindang paglanghad saimo.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 20:23

Dai kamo maggibo nin mga dios-dios na plata o bulawan na sasambahon bilang dugang sa sako.

Exodo 20:4

“Dai kamo maggibo nin ladawan kan ano man na nasa langit o nasa daga o nasa tubig sa irarom kan daga.

Exodo 28:11

Gibohon mo ini siring sa marahay na platero asin kalopkopan mo nin bulawan an mga bato.

Exodo 28:9

Kumua ka nin duwang batong oniks dangan diyan mo iukit an mga ngaran kan doseng aking lalaki ni Jacob,

Exodo 32:1

Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Exodo 32:24

Kaya sinabihan ko sinda na darahon sako an saindang mga alahas na bulawan. Itinao ninda sako an saindang mga alahas asin tinunaw ko sa kalayo. An luminuwas iyo ining baka.”

Exodo 32:3

Kaya tinanggal kan gabos na tawo an saindang mga hikaw na bulawan asin dinara ki Aaron.

Exodo 32:35

Kaya pinahelang sinda nin Kagurangnan huli ta pinirit ninda si Aaron na maggibo nin bulawan na baka.

Exodo 32:5

Kan mahiling ini ni Aaron, nagtugdok siya nin altar sa atubangan kan bulawan na baka dangan nagpahayag, “Sa aga magkakaigwa kita nin pyesta para sa Kagurangnan.”

Exodo 32:7

Nagtaram an Kagurangnan ki Moises, “Humilig ka tolos, huli ta an saimong banwaan, na ilinuwas mo sa Egipto, nagin maraot asin nagkasala.

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Isaias 46:6

Binubukasan kan mga tawo an saindang mga supot dangan inuula an bulawan; minatimbang sinda nin plata sa mga timbangan. Minatandan sinda nin alahero tanganing maggibo nin sarong dios; dangan minaluhod sinda asin sinasamba iyan.

Ezekiel 23:8

Nagpadagos siya bilang sarong maraot na babae, gawe na pinonan niya duman sa Egipto, saen nawara niya an saiyang pagkabirhen. Magpoon kan hoben pa siya, dinorogan na siya nin mga lalaki asin ibinilang na sarong maraot na babae.

Oseas 10:5

Matatakot saka mamomondo an mga tawong nag-eerok sa syudad nin Samaria huli sa pagkawara kan bulawan na baka sa Bet-aven. An pagkawarang iyan pagtatangisan kan mga tawo saka kan mga padi na naglilingkod sa dios-dios na idto. Maghahaya sinda sa panahon na halean na kan saiyang kamurawayan an bulawan na torong baka.

Oseas 13:2

Padagos sinda sa pagkasala huli sa paggibo nin mga metal na ladawan na pagsasambahon—mga dios-dios na plata, na minukna kan isip nin tawo, na ginibo kan mga kamot nin tawo. Dangan minasabi sinda, “Pagdolot kamo nin mga sakripisyo sa sainda!” Paanong nakakahadok an tawo sa mga dios-dios—mga dios-dios na pormang torong baka!

Mga Gibo 17:29

Huli ta kita mga aki nin Dios, dai kita mag-isip na garo siya sarong ladawan na bulawan o plata o gapo, na ginibo nin tawo sosog sa saiyang kakayahan saka kadonongan.

Mga Gibo 7:41

Kaya naggibo sinda nin sarong bulawan na baka. Dinolotan ninda iyan nin mga atang; nagpyesta sinda sa kaomawan kan ginibo ninda.

1 Corinto 10:7

Kaya dai kamo magsamba sa mga dios-dios, arog kan ginibo kan iba sainda, siring sa nasusurat, “An mga tawo nagturukaw tanganing magkarakanan asin mag-irinoman; an saindang pyesta nagtapos sa bururatan asin dororogan.”

Deuteronomio 9:16

Nahiling kong linapas na tolos nindo an pagboot na itinao saindo nin Kagurangnan na saindong Dios. Nagkasala kamo saiya huli sa paggibo nindo nin metal na baka.

Hukom 8:24

Alagad sarong bagay an hahagadon ko: tawan nindo sako an mga hikaw na saindong sinamsam.” (Arog kan ibang mga tawo na nag-eerok sa kalangtadan, an mga Midianita, nagagamit man nin bulawan na hikaw.)

Hukom 8:27

Guminibo si Gideon nin sarong bulawan na estatwa asin ibinugtak niya idto sa sadiri niyang banwa, sa Ofra. Tinalikodan an Dios kan mga Israelita asin sinamba ninda an estatwa. Iyo ini an nagin siod para ki Gideon asin kan saiyang pamilya.