Exodo 32:30 - Marahay na Bareta Biblia

³⁰ Sunod na aldaw sinabihan ni Moises an mga tawo, “Nagkasala kamo nin makuri. Alagad matukad ako ngunyan sa bukid pasiring sa Kagurangnan; tibaad ikahagad ko kamo saiya nin tawad para sa saindong kasalan.”

Exodo 32:30 ပူးပေါင်းရင်းမြစ်များ

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

2 Mga Hade 17:21

Pakatapos na isiblag nin Kagurangnan an Israel sa Juda, ginibong hade kan mga Israelita si Jeroboam na aking lalaki ni Nebat. Dangan ginibo ni Jeroboam na magharayo sinda sa Kagurangnan. Pinapagkasala niya sinda nin makuri.

Salmo 99:6

Kabilang sa mga padi niya si Moises saka si Aaron, kabilang sa mga nag-arang kan ngaran niya si Samuel. Nag-apod sinda sa Kagurangnan, asin sinimbag niya sinda.

Exodo 32:29

Sinabihan ni Moises an mga Levita, “Ngunyan na aldaw ikinonsagra nindo an saindong mga sadiri bilang mga padi nin Kagurangnan huli sa paggadan nindo kan saindong mga aki saka mga tugang. Kaya ngunyan na aldaw itinao saindo nin Kagurangnan an saiyang bendisyon.”

Amos 5:15

Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Jonas 3:9

Tibaad pa magbago nin isip an Dios; tibaad dai na siya maanggot, asin dai kita magadan!”

Mga Bilang 16:47

Kaya siring sa sinabi ni Moises, kinua ni Aaron an saiyang insensaryo asin duminalagan pasiring sa tahaw kan mga tawo. Kan nahiling niyang nagpoon na an peste, ibinugtak niya sa baga an insenso asin ginibo niya an seremonya nin paglinig sa banwaan.

Mga Bilang 25:13

An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Lukas 15:18

Mapuli ako sa sakuyang ama asin sasabihan ko siya, “Ama ko, nagkasala ako sa Dios asin saimo.

Lukas 7:47

Kaya sinasabihan taka, an ipinahiling niyang dakulang pagkamoot nagpapatunay na an dakul niyang mga kasalan pinatawad na. An pinatawad nin dikit, kadikit man an ipinapahiling na pagkamoot.”

Roma 9:3

para sa mga tugang ko, an mga karasa ko. Mawot ko pang maldisyonon ako nin Dios asin isuhay ki Cristo para sainda.

Galacia 3:13

Ilinigtas kita ni Cristo sa maldisyon na dara kan Katogonan. Siya an minaldisyon embes na kita, huli ta nasusurat, “An siisay man na binitay sa kahoy minaldisyon.”

2 Timoteo 2:25

patin mahuyo maski kun nagsasagwe kan saiyang mga kalaban, huli ta tibaad pa tawan sinda nin Dios nin oportunidad na makapagbakle saka makamidbid kan katotoohan.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

1 Samuel 12:17

Bakong tig-init ngunyan? Alagad mamimibi ako, asin mapadara an Kagurangnan nin daguldol saka uran. Kun mangyari ini, saindong maaaraman na dakula an saindong pagkakasala tumang sa Kagurangnan kan hagadon nindo saiya an sarong hade.”

1 Samuel 12:19

Nagsarabi sinda ki Samuel, “Pamibian man kami sa Kagurangnan na saimong Dios tanganing dai kami magkagaradan. Aram mi na ngunyan, na idinagdag mi pa sa gabos ming kasalan an karatan na ini, kan maghagad kami nin sarong hade.”

1 Samuel 12:20

Nagsimbag si Samuel, “Dai kamo matakot; maski nakaginibo kamo kaining dakulang karatan dai sana kamo magtalikod sa Kagurangnan, kundi paglingkodan nindo siya sa bilog nindong puso.

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.

1 Samuel 2:17

Siring kadakula an kasalan kan mga aking lalaki ni Eli sa atubang nin Kagurangnan, huli ta dai ninda iginalang an mga dolot para sa Kagurangnan.