Exodo 32:29 - Marahay na Bareta Biblia

²⁹ Sinabihan ni Moises an mga Levita, “Ngunyan na aldaw ikinonsagra nindo an saindong mga sadiri bilang mga padi nin Kagurangnan huli sa paggadan nindo kan saindong mga aki saka mga tugang. Kaya ngunyan na aldaw itinao saindo nin Kagurangnan an saiyang bendisyon.”

Exodo 32:29 ပူးပေါင်းရင်းမြစ်များ

2 Mga Cronica 35:3

Hinulitan niya an mga Levita, an mga paratukdo nin Israel, na kinonsagra para sa Kagurangnan. Sinabihan niya sinda, “An banal na Kaban nin Tipan ibugtak nindo sa Templo na ipinatugdok ni Solomon na aki ni David. Dai na nindo iyan pagparadarahon sa manlaen-laen na lugar, kundi paglingkodan nindo an Kagurangnan na saindong Dios asin an Israel na saiyang banwaan.

Exodo 32:28

Sinunod kan mga Levita an pagboot ni Moises, asin sa aldaw na idto may tolong ribong kalalakihan an nagadan.

Exodo 32:30

Sunod na aldaw sinabihan ni Moises an mga tawo, “Nagkasala kamo nin makuri. Alagad matukad ako ngunyan sa bukid pasiring sa Kagurangnan; tibaad ikahagad ko kamo saiya nin tawad para sa saindong kasalan.”

Mga Talinhaga 21:3

An paggibo kan matanos asin hustisya orog na nawiwilihan nin Kagurangnan ki sa mga sakripisyo.

Zacarias 13:3

Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.

Mateo 10:37

“An namomoot sa saiyang ama o ina orog pa sako, bakong maninigo na magin disipulo ko. An namomoot sa saiyang aking lalaki o babae orog pa sako, bakong maninigo na magin disipulo ko.