Exodo 32:27 - Marahay na Bareta Biblia

²⁷ Sinabihan niya sinda, “Ipinagboboot nin Kagurangnan Dios nin Israel na kuahon nindo an saindong mga espada, liboton an kampo, asin gadanon an saindong mga tugang, mga katood saka mga kanatad.”

Exodo 32:27 ပူးပေါင်းရင်းမြစ်များ

2 Mga Hade 10:25

Pakadolot ni Jehu kan mga tinutong na atang, sinabihan niya an mga bantay saka mga opisyal, “Lumaog na kamo asin gadanon nindo sinda. Dai nindo pagpabayaan na may makadulag!” Naglaog sindang kapot an mga espada, ginadan an gabos na tawo, asin itinapok ninda sa luwas an mga bangkay. Dangan naglaog sinda sa pinakalaog na kwarto kan templo,

Exodo 32:26

tuminindog si Moises sa may trangkahan kan kampo asin kuminurahaw, “An siisay man na kampi sa Kagurangnan magdigdi sako!” Nagtiripon sa palibot ni Moises an gabos na aki ni Levi.

Exodo 32:28

Sinunod kan mga Levita an pagboot ni Moises, asin sa aldaw na idto may tolong ribong kalalakihan an nagadan.

Exodo 32:29

Sinabihan ni Moises an mga Levita, “Ngunyan na aldaw ikinonsagra nindo an saindong mga sadiri bilang mga padi nin Kagurangnan huli sa paggadan nindo kan saindong mga aki saka mga tugang. Kaya ngunyan na aldaw itinao saindo nin Kagurangnan an saiyang bendisyon.”

Ezekiel 9:5

Dangan sinabihan nin Dios an iba pang mga lalaki, “Magsunod kamo saiya sa paglibot sa syudad dangan manggadan kamo. Dai nindo pagpaligtason an siisay man; dai kamo maherak sa kiisay man.

Mga Bilang 25:5

Sinabihan ni Moises an mga hukom, “Gadanon nindo an lambang lalaki sa saindong tribu na nagin parasamba ki Baal nin Peor.”

Lukas 14:26

“An magdolok sako dai magigin disipulo ko kun orog na namomotan niya ki sa sako an saiyang ama, ina, agom, mga aki, mga tugang, asin an sadiri niyang buhay.

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

Deuteronomio 13:10

Gapoon nindo siya sagkod na magadan, huli ta irinarayo niya kamo sa Kagurangnan na saindong Dios na nagligtas saindo sa Egipto, saen kamo nagin mga oripon.

Deuteronomio 13:6

“Kun an saindong tugang o an aki nindong lalaki o babae, o an namomotan nindong agom o an saindong nangongorog na katood, hilom na magdagka saindo na magsamba sa ibang mga dios na dai pa nindo sinamba asin kan saindong mga ginikanan,