Exodo 32:22 - Marahay na Bareta Biblia

²² Nagsimbag si Aaron, “Dai ka maanggot sako; aram mong desidido an mga tawong ini sa paggibo nin maraot.

Exodo 32:22 ပူးပေါင်းရင်းမြစ်များ

Genesis 44:18

Nagdolok si Juda ki Jose asin nagsabi, “Kagurangnan, tugote akong magpaliwanag; dai ka maanggot sako huli ta garong ika man sana an hade.

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Exodo 14:11

Sinabihan ninda si Moises, “Mayo na daw nin mga lulubngan sa Egipto kaya dinara mo kami tanganing digdi sa kalangtadan magadan? Hilinga an ginibo mo sa pagluwasan mo samo sa Egipto!

Exodo 15:24

Nagreklamo ki Moises an mga Israelita, “Ano an samong iinomon?”

Exodo 16:20

Alagad an nagkapira sainda dai nagtubod ki Moises; nagtada sinda nin tinapay. Pagkaaga, inulod asin nagbata an saindang itinada. Naanggot sainda si Moises.

Exodo 16:28

Kaya tinaraman nin Kagurangnan si Moises, “Sagkod nuarin kamo masuhay sa sakong mga togon saka pagboot?

Exodo 32:1

Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Exodo 32:21

Sinabihan ni Moises si Aaron, “Ano an ginibo saimo kan mga tawong ini ta tinugotan mo sindang magkasala?”

Mga Talinhaga 4:16

Huli ta an mga tampalasan dai nangangatorog kun dai nakakagibo nin maraot, asin kun mayo sinda nin nakukulogan.

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 9:24

Magpoon na mamidbid ko kamo, nagin matumang na kamo sa Kagurangnan.

Deuteronomio 9:7

“Giromdoma nindo kun paano nindo pinaanggot an Kagurangnan na saindong Dios duman sa kalangtadan. Tinumangan nindo siya poon na maghale kamo sa Egipto sagkod na makaabot digdi.

1 Samuel 15:15

Nagsimbag si Saul, “Kinurua an mga iyan sa mga Amalekita kan sakong mga tawohan. Linaen ninda an pinakamarahay kan mga karnero saka baka tanganing idolot bilang atang sa Kagurangnan na saimong Dios; an iba samong ginaradan.”

1 Samuel 15:21

Alagad dai ginaradan kan sakong mga tawohan an pinakamarahay na mga karnero asin baka na saindang nagkadarakop tanganing idolot sa Kagurangnan na saimong Dios digdi sa Gilgal.”

1 Samuel 15:24

Nagsimbag si Saul, “Nagkasala ako; dai ko kinuyog an kabotan nin Kagurangnan asin an saimong katukdoan. Natakot ako sa mga tawo, kaya sinunod ko an saindang kamawotan.