Exodo 32:20 - Marahay na Bareta Biblia

²⁰ Kinua niya an baka na ginibo kan mga tawo, tinunaw sa kalayo, pinulbos, sinalakan nin tubig dangan ipinainom sa mga Israelita.

Exodo 32:20 ပူးပေါင်းရင်းမြစ်များ

1 Mga Hade 15:13

Hinale man niya an lola niyang si Maaca bilang inang-reyna huli ta naggibo ini nin makauuyam na ladawan kan diosang si Asera. Pinalod niya an ladawan asin sinulo sa Kapantayan nin Kidron.

2 Mga Hade 23:15

Ipinagaba man niya an lugar na pagsasambahan sa Betel na ginibo ni Hadeng Jeroboam na aking lalaki ni Nebat, na nagpakasala sa Israel. Ipinarumpag niya an altar, ipinapedaso an mga gapo kaini saka ipinabayo nin pino; ipinasulo man niya an ladawan ni Asera.

2 Mga Hade 23:6

Ipinahale niya sa Templo an tanda kan diosang si Asera. Ipinadara niya ini sa luwas kan syudad, sa kapantayan nin Kidron, asin duman ipinasulo. Dangan ipinabayo niya nin pino an abo saka ipinawarak sa lulubngan kan mga ordinaryong tawo.

2 Mga Cronica 34:4

Sa pagboot niya, ginaba kan mga tawohan niya an mga altar ni Baal saka an mga altar nin insenso na harani duman. Pinasa niya an mga tanda kan diosang si Asera pati an inukit saka tinunaw na mga imahen. An mga ini rinonot niya siring sa alpog dangan iwinarak sa ibabaw kan mga lulubngan kan mga tawong nagsakripisyo sa mga ini.

Exodo 32:21

Sinabihan ni Moises si Aaron, “Ano an ginibo saimo kan mga tawong ini ta tinugotan mo sindang magkasala?”

Mga Talinhaga 1:31

kakakanon nindo an bunga kan saindong gibo asin mababaldi kamo sa saindong mga plano.

Mga Talinhaga 14:14

An tawong maraot mag-aani kan maninigo saiya, alagad an marahay na tawo babalosan huli sa saiyang mga gibo.

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Deuteronomio 7:5

Kaya gabaon nindo an saindang mga altar, rumpagon an saindang mga hariging gapo, palodon an saindang mga simbolo kan saindang diosa na si Asera asin suloon nindo an gabos nindang ladawan.

Deuteronomio 9:21

Kinua ko an makasalan na bagay na iyan, an metal na baka na ginibo nindo, isinugba ko sa kalayo asin pinasa, giniling ko siring sa alpog, dangan ipinaanod an alpog duman sa sapa na nagbubulos sa bukid.