Exodo 32:19 - Marahay na Bareta Biblia

¹⁹ Kan harani na sinda sa kampo, nahiling ni Moises an baka asin an pagbabarayle kan mga tawo. Huli kaini, nagsulwak an kaanggotan ni Moises asin ipinusak niya sa pamitisan kan bukid an dara niyang mga tablang gapo asin nagkabaraak an mga ini.

Exodo 32:19 ပူးပေါင်းရင်းမြစ်များ

2 Samuel 6:14

Nagsayaw si David sa atubangan nin Kagurangnan sa bilog niyang kosog; nakasulot siya nin efod na lino.

Salmo 119:53

Kun nahihiling ko an mga tampalasan na naglalapas kan saimong katogonan, napapano ako nin kaanggotan.

Exodo 15:20

Si Miriam, an propetang tugang ni Aaron, nagkua kan saiyang tamborin, dangan nagsurunod saiya an gabos na kababaehan na nagtutugtog kan saindang mga tamborin asin nagsasayaw.

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Exodo 32:18

Alagad nagsimbag si Moises, “An nadadangog ko bakong kinurahaw nin panggana o inagrangay nin pagkadaog kundi karantahan.”

Exodo 34:1

Tinaraman nin Kagurangnan si Moises, “Magtabas ka nin duwang tablang gapo arog kan mga naenot asin isusurat ko diyan an mga tataramon na isinurat ko sa naenot na mga tablang gapo na binaraak mo.

Jeremias 31:32

Bako iyan arog kan tipan na ginibo ko sa saindang mga ginikanan kan kabiton ko sinda saka giyahan paluwas sa Egipto. Maski ako nagin arog sa sarong agom na lalaki sa sainda, dai ninda kinuyog an tipan na idto.

Mga Panambitan 5:15

Naontok na an kaogmahan kan samong mga puso; an samong mga pagsayaw nagi nang mga pagmondo.

Zacarias 11:14

Dangan binari ko an ikaduwang sugkod, an inapod kong “Pagkasararo,” asin nawara an pagkasararo kan mga taga Juda saka kan mga taga Israel.

Mga Bilang 12:3

Si Moises sarong tawong orog na mapakumbaba ki sa kiisay man na nabubuhay sa kinaban.)

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Markos 10:14

Kan mahiling ini ni Jesus, naanggot siya asin sinabihan sinda, “Pabayae nindong magdolok sako an mga aki! Dai nindo sinda pag-olangon, huli ta para sa mga arog sainda an Kahadean nin Dios.

Markos 3:5

Anggot na hiniling ni Jesus an mga tawo asin nagmondo siya huli sa katagasan kan saindang puso. Sinabihan niya an lalaki, “Unata an kamot mo.” Inunat kan lalaki an kamot niya dangan naomayan idto.

1 Corinto 10:7

Kaya dai kamo magsamba sa mga dios-dios, arog kan ginibo kan iba sainda, siring sa nasusurat, “An mga tawo nagturukaw tanganing magkarakanan asin mag-irinoman; an saindang pyesta nagtapos sa bururatan asin dororogan.”

Efeso 4:26

Kun maanggot kamo, likayan nindo na magkasala; dai nindo pasolnopon an aldaw na dai pa nahale an saindong kaanggotan.

Deuteronomio 10:2

Isusurat ko sa mga tanalang gapo an mga tataramon na isinurat ko duman sa mga naenot na tablang gapo na binaraak mo. Dangan ilaog mo iyan sa Kaban.’

Deuteronomio 27:26

“‘Maldisyonon an siisay man na dai magkuyog kan gabos na togon saka katukdoan nin Dios.’ “Dangan an bilog na banwaan masimbag, ‘Amen!’