Exodo 32:16 - Marahay na Bareta Biblia

¹⁶ An Dios mismo an naggibo kan tablang gapo asin nag-ukit kan mga togon.

Exodo 32:16 ပူးပေါင်းရင်းမြစ်များ

An Libro ni Job 19:24

Sa paagi nin tigib ikaukit logod iyan sa gapo asin ikasurat tanganing magdanay sagkod lamang.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 32:15

Dangan nagbalik si Moises, asin naghilig hale sa bukid dara an duwang tablang gapo na mag-ibong na nasusuratan kan mga togon.

Exodo 32:17

Kan madangog ni Josue an ribok kan nagkukurahaw na mga tawo, nagsabi siya ki Moises, “Nadadangog ko an kinurahaw nin gera sa kampo.”

Exodo 34:1

Tinaraman nin Kagurangnan si Moises, “Magtabas ka nin duwang tablang gapo arog kan mga naenot asin isusurat ko diyan an mga tataramon na isinurat ko sa naenot na mga tablang gapo na binaraak mo.

Exodo 34:4

Kaya nagtabas si Moises nin duwang tablang gapo arog kan mga naenot asin pagkaagang amay dinara niya an mga ini sa alitoktok kan Bukid nin Sinai siring sa pagboot nin Kagurangnan.

2 Corinto 3:3

Malinaw na si Cristo mismo an nagsurat kaiyan; kami sana an nagdara. Dai iyan isinurat sa tinta, kundi sa paagi kan Espiritu nin Dios na buhay; dai iyan isinurat sa mga pedasong gapo kundi sa puso nin tawo.

2 Corinto 3:7

Kan an Katogonan na isinurat sa mga pedasong gapo itinao ki Moises, nahiling an nakasusulang liwanag nin Dios; maski napapara na an liwanag sa lalawogon ni Moises, dai pa makahiling saiya an mga Israelita. Kun an pagtao kan Katogonan na idto na nagpapadusa nin kagadanan may nakasusulang liwanag,

Deuteronomio 10:1

“Dangan nagtaram sako an Kagurangnan, ‘Magtabas ka nin duwang tablang gapo arog kan mga naenot, asin gumibo ka nin Kaban na gibo sa kahoy na paglalaogan kaiyan; dangan tumukad ka digdi sa bukid.

Deuteronomio 9:15

“Kaya nagbalik ako asin naghilig hale sa nagkakalayong bukid dara an duwang tablang gapo na nasusuratan kan tipan.

Hebreyo 8:10

Ngunyan, ini an gigibohon kong tipan sa banwaan nin Israel, pakalihis kan mga aldaw na idto, an sabi nin Kagurangnan: Ibubugtak ko an sakong mga katogonan sa saindang mga isip, isusurat ko an mga iyan sa saindang mga puso. Ako magigin Dios ninda; sinda an magigin banwaan ko.