Exodo 32:15 - Marahay na Bareta Biblia

¹⁵ Dangan nagbalik si Moises, asin naghilig hale sa bukid dara an duwang tablang gapo na mag-ibong na nasusuratan kan mga togon.

Exodo 32:15 ပူးပေါင်းရင်းမြစ်များ

Salmo 19:7

An Katogonan nin Kagurangnan mayo nin kulang; nagtataong buhay sa kalag. An mga pagboot nin Kagurangnan masasarigan, nagtataong kadonongan sa mangmang.

Exodo 16:34

Siring sa ipinagboot nin Kagurangnan ki Moises, ibinugtak ni Aaron an dulay na igwang manna sa atubangan kan Kaban nin Tipan tanganing sarayon.

Exodo 24:12

Nagtaram an Kagurangnan ki Moises, “Tumukad ka sa bukid pasiring sako asin maghalat ka huli ta itatao ko saimo an duwang tablang gapo na sinuratan ko kan mga togon asin kan mga pagboot na itutukdo mo sa mga tawo.”

Exodo 24:18

Nagpadagos sa pagtukad sa bukid si Moises pasiring sa panganoron. Nag-erok siya duman sa laog nin kwarentang aldaw asin kwarentang banggi.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 32:16

An Dios mismo an naggibo kan tablang gapo asin nag-ukit kan mga togon.

Exodo 34:29

Kan maghilig si Moises hale sa Bukid nin Sinai na dara an Sampolong Togon, dai niya naaraman na nagliliwanag an saiyang lalawogon huli sa pakikipag-olay niya sa Kagurangnan.

Exodo 40:20

Dangan kinua niya an duwang tablang gapo asin ilinaog sa Kaban nin Tipan. Isinurok niya an mga pasanan sa mga siningsing kan Kaban asin tinakopan ini.

2 Corinto 3:3

Malinaw na si Cristo mismo an nagsurat kaiyan; kami sana an nagdara. Dai iyan isinurat sa tinta, kundi sa paagi kan Espiritu nin Dios na buhay; dai iyan isinurat sa mga pedasong gapo kundi sa puso nin tawo.

2 Corinto 3:7

Kan an Katogonan na isinurat sa mga pedasong gapo itinao ki Moises, nahiling an nakasusulang liwanag nin Dios; maski napapara na an liwanag sa lalawogon ni Moises, dai pa makahiling saiya an mga Israelita. Kun an pagtao kan Katogonan na idto na nagpapadusa nin kagadanan may nakasusulang liwanag,

Deuteronomio 5:22

“Iyo ini an mga pagboot na itinao saindo nin Kagurangnan kan magtiripon kamo sa atubang kan bukid, kan magtaram siya sa makosog na tingog hale sa kalayo, hale sa panganoron sagkod sa mahibog na kadikloman; mayo na siyang idinagdag. Dangan isinurat niya an mga ini sa duwang tablang gapo asin itinao sako.

Deuteronomio 9:15

“Kaya nagbalik ako asin naghilig hale sa nagkakalayong bukid dara an duwang tablang gapo na nasusuratan kan tipan.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.

Kapahayagan 5:1

Nahiling ko sa toong kamot kan nagtutukaw sa trono an sarong libro na pano nin surat mang-ibong-ibong asin igwa nin pitong selyo.