Exodo 31:6 - Marahay na Bareta Biblia

⁶ Pinili ko man bilang katabang niya si Oholiab na aking lalaki ni Ahisamak na gikan sa tribu ni Dan. An ibang katabang ninda tinawan ko man nin kakayahan tanganing magibo ninda an gabos na ipinagboot ko saimo:

Exodo 31:6 ပူးပေါင်းရင်းမြစ်များ

1 Mga Hade 3:12

itatao ko an saimong hinagad. Tatawan taka nin kadonongan asin pakasabot na orog ki sa mga naenot na saimo o sa mga masurunod pa saimo.

Exodo 28:3

Ipaapod mo an gabos na tawong tinawan ko nin kakayahan, asin sabihan mo sinda na gibohon an mga gubing ni Aaron, tanganing konsagrahon siya bilang padi na malingkod sako.

Exodo 31:5

sa pagtabas nin mga batong pantampok, sa pagdibuho sa kahoy, asin sa iba pang mga gibo sa arte.

Exodo 35:10

“Magdigdi an lambang saro sa saindo na igwa nin kakayahan sa pagtrabaho asin gibohon nindo an gabos na ipinagboot nin Kagurangnan: an Tabernakulo,

Exodo 35:34

Itinao nin Kagurangnan ki Bezalel asin ki Oholiab, na aking lalaki ni Ahisamak na gikan sa tribu ni Dan, an kakayahan sa pagtukdo sa iba kan saindang mga naaaraman.

Exodo 35:35

Itinao niya sa sainda an kakayahan sa gabos na trabaho nin sarong paraukit, paradibuho asin nin sarong paraburda sa pinong lino, sa telang lana na kolor asul, purpura asin pula, asin nin sarong parahabol nin ano man na klaseng tela—an kakayahan nin sarong trabahador o dibuhista.

Exodo 35:4

Sinabihan ni Moises an bilog na komunidad nin Israel, “Ini an ipinagboboot nin Kagurangnan:

Exodo 36:8

An pinakaeksperto sa mga trabahador iyo an naggibo kan Tabernakulo. Ginamitan ninda ini nin sampolong kurtina nin hinabol na pinong lino asin telang lana na kolor asul, purpura asin pula na binurdahan nin mga kerubin.

Exodo 38:23

Katabang ni Bezalel si Oholiab, na aki ni Ahisamak na gikan sa tribu ni Dan, na sarong paraukit, paradibuho asin parahabol nin pinong lino saka mga telang lana na kolor asul, purpura asin pula.

Exodo 6:26

Si Aaron asin si Moises iyo an mga tawong tinaraman nin Kagurangnan na, “Pangenotan nindo an mga Israelita sa pagluwas sa Egipto.”

Lukas 10:1

Pakatapos kaini, nagpili pa an Kagurangnan nin setenta y dos na lalaki. Sinugo niya sindang manduwa-duwa na mangenot saiya sa mga banwa asin sa mga lugar na dudumanan niya.

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.