Exodo 31:15 - Marahay na Bareta Biblia

¹⁵ Igwa kamong anom na aldaw sa pagtrabaho, alagad an ikapitong aldaw sarong aldaw nin solemning pahingalo, banal para sako. Gagadanon an siisay man na magtrabaho sa aldaw na iyan.

Exodo 31:15 ပူးပေါင်းရင်းမြစ်များ

Genesis 2:2

Kan matapos nin Dios an gabos niyang gibo, nagpahingalo siya sa ikapitong aldaw.

Exodo 16:23

Sinabihan sinda ni Moises, “Ipinagboot nin Kagurangnan na lutoon na nindo ngunyan an gusto nindong lutoon. An pagkakan na matada isaray nindo para sa masunod na aldaw, huli ta an bilog na aldaw sa aga, aldaw nin pahingalo, sarong banal na Sabbath para sa Kagurangnan.”

Exodo 16:26

Anom na aldaw kamong makua nin pagkakan, alagad sa ikapitong aldaw, an aldaw nin pahingalo, mayo kamong makukua.”

Exodo 23:12

“Magtrabaho kamo sa laog nin anom na aldaw alagad sa ikapitong aldaw magpahingalo kamo, tanganing makapahingalo man an saindong mga oripon saka an mga dayuhan, dangan mahingaloan man an saindong mga hayop.

Exodo 31:14

Otobon nanggad nindo an aldaw nin pahingalo, huli ta iyan banal. Gagadanon an siisay man na maglapas kaiyan asin magtrabaho sa aldaw na iyan.

Exodo 31:16

Kaya ootobon kan mga Israelita an Sabbath sa gabos na panahon bilang tanda kan daing kataposan na tipan.

Exodo 31:17

Ini sarong danay na tanda para sako asin para sa banwaan nin Israel, huli ta ako, an Kagurangnan, an naggibo kan langit asin daga sa laog nin anom na aldaw, dangan sa ikapitong aldaw nag-ontok ako sa pagtrabaho asin nagpahingalo.”

Exodo 34:21

“Magtrabaho kamo sa laog nin anom na aldaw, alagad magpahingalo kamo sa ikapitong aldaw; magpahingalo kamo maski sa panahon nin pag-arado o nin pag-ani.

Exodo 35:2

Gibohon nindo an gabos nindong trabaho sa laog nin anom na aldaw, alagad sa ikapitong aldaw magkakaigwa kamo nin sarong Sabbath nin solemning pahingalo para sa Kagurangnan. Gagadanon an siisay man na magtrabaho sa aldaw na iyan.

Exodo 35:3

Maski an pag-amak nin kalayo dai nindo paggibohon sa saindong mga harong sa aldaw nin Sabbath.”

Ezekiel 46:1

Ini an itinataram nin Kagurangnan Dios, “An trangkahan kan patyong nasa laog na atubang sa sirangan kaipuhan serado sa laog kan anom na aldaw nin pagtrabaho, alagad kaipuhan bukas iyan sa aldaw nin Sabbath asin sa Pyesta kan Bagong Bulan.

Levitico 16:29

An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 23:3

Magtrabaho kamo sa laog nin anom na aldaw, alagad an ikapitong aldaw iyo an Sabbath nin solemning pahingalo, sarong banal na pagtiripon; dai kamo magtrabaho. Saen man kamo mag-erok, giromdomon nindong an aldaw na iyan sarong Sabbath para sa Kagurangnan.

Levitico 23:32

Kaya magpoon sa pagsolnop kan aldaw sa ikasiyam na aldaw kan bulan, sagkod sa pagsolnop kan aldaw sa ikasampolong aldaw, otobon nindo an Sabbath, asin dai kamo magkakan nin ano man.”

Lukas 13:14

Alagad naanggot an opisyal kan sinagoga huli ta nagbolong si Jesus sa aldaw na Sabbath. Kaya nagtaram sa mga tawo an opisyal, “Igwa nin anom na aldaw na kita dapat magtrabaho, kaya sa mga aldaw na iyan kamo magdigdi sa pagpabolong, bakong sa aldaw na Sabbath!”

Lukas 23:56

Pakatapos, nagpuli sinda dangan nag-andam nin mga pahamot saka mga panlahid para sa bangkay. Nagpahingalo sinda kan aldaw na Sabbath, sosog sa Katogonan.

Deuteronomio 5:12

“‘Giromdoma nindo an Sabbath asin pakabanala nindo iyan, siring na ako, an Kagurangnan na saindong Dios, iyo an nagboot saindo.

Hebreyo 4:9

Kaya may natatada pang pahingalo para sa banwaan nin Dios, arog kan pagpahingalo niya kan ikapitong aldaw.