Exodo 30:8 - Marahay na Bareta Biblia

⁸ Iyo man an gigibohon niya kun banggi sa pagpalaad niya kan mga ilawan. Ining danay na pagdolot nin insenso gigibohon nindo sagkod sa mga maabot na henerasyon.

Exodo 30:8 ပူးပေါင်းရင်းမြစ်များ

2 Mga Cronica 26:18

tanganing pugolan siya. Nagsabi sa hade an mga ini, “Uzzias, mayo ka nin deretso na magtutong nin insenso sa Kagurangnan. An mga aki sana ni Aaron an kinonsagra tanganing maggibo kaiyan. Maghale ka sa banal na lugar na ini. Sala an saimong ginibo, asin dai ka na bebendisyonan nin Kagurangnan Dios.”

Salmo 141:2

Akoon mo an sakong pamibi siring sa insenso; asin an initaas kong mga kamot bilang pamangging atang.

Exodo 12:6

Aatamanon an mga hayop sagkod sa ikakatorseng aldaw kan bulan. Dangan bago magsolnop an aldaw, an mga hayop buburonoon kan bilog na komunidad.

Exodo 25:37

Gumibo man kamo nin pitong ilawan para sa kandelero dangan ibugtak nindo sa ibabaw tanganing magliwanag iyan pasiring sa atubangan.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 30:7

Sa aga-agang pagmangno ni Aaron kan mga ilawan, tututongon niya sa altar an mahamot na insenso.

Exodo 30:9

An altar na ini dai nindo pagtutongan nin bakong banal na insenso, o nin tinutong na atang, o nin dolot na pagkakan, asin dai nindo ini pag-ulaan nin dolot na arak.

Roma 8:34

Siisay palan an makondenar sainda? Si Cristo Jesus daw na nagadan, nabuhay liwat asin yaon na ngunyan sa too nin Dios, na nakikimaherak para sato?

1 Tesalonica 5:17

Mamibi kamo sa gabos na oras,

Hebreyo 7:25

Ngunyan asin sa gabos na oras, ikakaligtas niya an mga minadolok sa Dios sa paagi niya, huli ta nabubuhay siya sagkod lamang tanganing makimaherak sa Dios para sainda.

Hebreyo 9:24

Dai naglaog si Cristo sa Santwaryo na gibo sana kan tawo asin kaagid sana kan tunay na santwaryo; naglaog siya sa langit mismo, saen nakikiatubang siya sa Dios para sato.

1 Samuel 2:28

Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.